Lajme

Rrịhet brutalisht mërgimtari afër diskotekës në Prishtinë – këta janë katër të dyshuarit

Autori: Gazeta inFokus 14:34 | 09 September 2024

Katër persona kanë rrahur brutalisht dy persona në mëngjesin e 7 shtatorit në afërsi të një diskoteke në zonën industriale në Prishtinë.

Dy viktimat u bënë për spital, njëri prej tyre pësoi lëndime të rënda. Ndërkohë të dyshuarit u arrestuan, përkatësisht iu caktua masa e paraburgimit.

Viktima në këtë rast është një mërgimtar, i cili ndodhet në spital dhe akoma nuk është deklaruar për rastin, për shkak të gjendjes.

-Advertisement-

Të dyshuarit siç raporton Sinjali janë Jeton Mustafa (22), Përparim Gashi (33), Malsor Mustafa (20) dhe Pajtim Hoxha (34), ndërsa tashmë ka siguruar edhe fotot e tyre.

Sipas Prokurorisë, ekziston dyshimi i bazuar se pas një mosmarrëveshje brenda diskotekës me viktimën, të dyshuarit dalin para hyrjes së diskotekës, ku e presin derisa i njëjti të dalë jashtë.

Në momentin kur viktima del nga diskoteka, katër të dyshuarit e përcjellin dhe e godasin me mjete të forta (tulla) në pjesë të ndryshme të trupit, ku si pasojë e këtyre goditjeve, i riu ka pësuar lëndime të rënda trupore, thuhet në arsyetimin e Prokurorisë në kërkesën për paraburgim.

Gjyqtari i procedurës paraprake ka aprovuar si të bazuar kërkesën e Prokurorisë për caktimin e masës së paraburgimit, nën dyshimin se në bashkëkryerje kanë kryer veprën penale “Lëndimi i rëndë trupor”.

Subscribe në YouTube: GAZETA INFOKUSI
UNI-Universum International College rankohet me sukses në Times Higher Education Impact Rankings 2024
-Advertisement-

Të tjera

Fokusi

lajme