Lajme

Rrethi para urës së Ibrit së shpejti bëhet me fontanë

Autori: Gazeta inFokus 10:22 | 26 August 2024

Rrethi në afërsi të urës mbi lumin Ibër në Mitrovicën jugore pritet së shpejti të bëhet me fontanë të re.

Sipas drejtorit për shërbime publike në komunën e Mitrovicës, përveç kësaj fontane, projekti komunal ka të bëjë edhe me rregullimin e disa hapësirave publike në dhe për rreth sheshit të Mitrovicës. E ky projekt i cili kap vlerën prej 300 mijë eurosh, po mirëpritet nga qytetarët.

Materialin po e bëjnë gati.
E punimet tashmë kanë filluar.

-Advertisement-

Rrethi në afërsi të Urës mbi lumin Ibër në Mitrovicë do të marrë pamje krejt ndryshe.

Kjo pasi Komuna e Mitrovicës jugore ka planifikuar të krijojë një fontanë, e cila sipas drejtorit të shërbimeve publike në këtë komunë, Granit Tmava, pritet të përfundojë së shpejti.

E vlera e këtij projekti, sipas Tmavës, është rreth 300 mijë euro.

“Jemi duke bërë rregullimin dhe krijimin e dy fontanave në qytetin e Mitrovicës, bëhet fjalë, fonatanat tek Isa Boletini, fontana ku jemi tani këtu tek rrethi që është në qendër të qytetit të Mitrovicës e cila është në kuadër të kontratës e cila është për rregullimin e sheshit të qytetit. Vlera e kësaj kontate është afër 300 mijë euro”, thotë Granit Tmava drejtor i Shërbimeve Publike në komunë.

E qytetarëve mitrovicas po u pëlqen ky ndryshim, ndonëse kanë disa fjalë edhe për hapjen e urës mbi lumin Ibër.

“E zbukuron natyrisht, kjo tregon një lloj qetësie një lloj rehatie edhe ura është vetëm në pyetje një koordinim i mrekullueshëm mes aleatëve tanë që na kanë ndihmuar të krijohet Republika e Kosovës”, shprehet një qytetar

“ Po mirë shumë kjo është në rregull krejt, ju ka dashtë qe fontana këtu ajo tjetra, krejt në rregull është veç urën nuk mundët Albini me hap njëherë nuk e hapë, KFOR-i nuk e lejon, ai për populizëm e ka për vota” , thotë një tjerr qytetar.

Gjatë kohës sa qëndroi ekipi i televizionit në këtë zonë, u panë edhe ekipe të pjesëtarëve të karabinierëve italianë duke monitoruar situatën.

Subscribe në YouTube: GAZETA INFOKUSI
Etiketa:
-Advertisement-

Të tjera

Fokusi

lajme