Lajme

Rrahje në koncertin e Azetit, sulmon ish-të dashurën dhe ia merr qaforen që ia kishte dhuruar

Autori: Gazeta inFokus 11:24 | 03 August 2018

Në lokalin e natës ku mbrëmë këndoi këngëtari kosovar Azeti ka ndodhur një përleshje fizike mes dy personave. Policia e Kosovës ka njoftuar se në ora dy të mëngjesit të ditës së premte një person ka sulmuar fizikisht ish të dashurën e tij.

Sipas policisë mosmarrëveshja mes personit dhe ish të dashurës së tij është përcjellë me grabitje ku personi në fjalë i ka vjedhur një zinxhir nga fyti viktimës me arsyetimin se ai ia kishte dhuruar.

Më tej sqarohet se gruaja ka pësuar lëndime trupore dhe është dërguar për tretman mjekësor.

-Advertisement-

“I dyshuari mashkull K-Shqiptar pas një mosmarrëveshje me ish te dashurën e tij viktimën femër K-Shqiptare e ka sulmuar fizikisht dhe ja ka grabitur zinxhirin nga fyti me pretendim se ai ja kishte dhuruar. Si pasojë viktima ka pësuar lëndime trupore për te cilat i është ofruar tretmani mjekësor. Me urdhër te prokurorit i dyshuari dërgohet në mbajtje”, thuhet në deklaratën e Policisë së Kosovës.

Në një video të dërguar nga lexuesit e Insajderit shihet se derisa Azet ishte duke përformuar në skenë, dy persona po sulmonin njëri-tjetrin.

Pavarësisht përleshjes ahengu ishte ndërprerë vetëm për disa sekonda për të vazhduar më pas menjëherë, por lexuesi që ka dërguar videon në Insajder e ka përshkruar si “rrahje të madhe”.

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy