Rozë

Rozana Radi po i rikthehet muzikës, së shpejti vjen projekti në bashkëpunim me Noizyn dhe Young Zerka-n

Autori: Gazeta inFokus 12:15 | 12 May 2025

Pas një rrugëtimi të suksesshëm dhe plot emocione në shtëpinë e Big Brother VIP Albania 4, këngëtarja e njohur Rozana Radi po përgatitet t’i rikthehet fuqishëm skenës muzikore.

Artistja, e cila njihet për zërin karakteristik dhe tekstet me mesazhe të forta, ka zbuluar për fansat e saj se është duke punuar në një projekt të ri muzikor, që pritet të lansohet shumë shpejt.

Befasia më e madhe është se në këtë rikthim ajo nuk do të jetë e vetme – dy emra shumë të njohur të skenës shqiptare, Noizy dhe Young Zerka, do të jenë pjesë e këtij bashkëpunimi që tashmë ka ngjallur kureshtje dhe pritshmëri të larta.

-Advertisement-

Kënga mban titullin “Luleborë”, një emër simbolik që lë të nënkuptohet një frymë e ndjeshme, ndoshta edhe nostalgjike.

Deri më tani, detajet mbi stilin muzikor, videoklipin apo tematikën e këngës nuk janë bërë publike.

Megjithatë, fansat e Rozanës dhe Noizyt kanë nisur menjëherë të spekulojnë nëse ky projekt mund të jetë një vazhdim shpirtëror i hitit të dikurshëm “Mr. Yesterday”, një këngë që ka mbetur në kujtesën e publikut për energjinë, ndjenjat dhe përputhjen artistike mes tyre. /Telegrafi/

Subscribe në YouTube: GAZETA INFOKUSI
Lansohet aplikacioni më i ri i lojalitetit që sjell t’mira pafund Kartela Plus!
-Advertisement-

Të tjera

Fokusi

roze