Lajme

Rohde për 2025-ën i uron kosovarëve ajër të pastër, ka porosi edhe për dialogun

Autori: Gazeta inFokus 17:11 | 08 January 2025

Ambasadori gjerman, Jorn Rohde, përmes një videoje ka uruar vitin e ri dhe vuri në pah se 2025-a është viti i tij i fundit si ambasador në Gjermani.

Ai tha se Kosova e Gjermania kanë lidhje speciale dhe kjo jo për shkak vetëm të diasporës.

“Pas katër vitesh në Kosovë, ky është viti im i fundit këtu. Kam pasur katër vite plot ngjarje. Dhe dua të shoh një 2025 shumë të mirë. Gjermania dhe Kosova ndajnë lidhje të veçanta. Dhe, e dini, nuk është vetëm diaspora, janë gjithashtu plot projekte që ne kemi bashkë si në tranzicion energjik, infrastrukturë”.

-Advertisement-

Rohde tha se edhe Kosova edhe Gjermania kanë dy ngjarje të madhe në shkurt.

“Ju keni zgjedhje, ne kemi zgjedhje. Prandaj, apeli im për ju është: Shkoni të votoni! Sepse është e rëndësishme që ju të kontribuoni të formësoni të ardhmen tuaj”.

2025-ta do të jetë një vit i sfidave me siguri, tha Rohde, i cili shtoi se është optimist meqë ka një ekip të ri në Bashkimin Europian.

“Ajo çfarë na duhet është më shumë ambicie, takime më të shpeshta dhe më e rëndësishmja më shumë rezultate konkrete për të sjellë implementime konkrete të dialogut”.

Një ndër urimet e Rohdes për kosovarët për këtë vit të ri ishte edhe për ajër të pastër.

“Me këto fjalë dua ta përmbyll dhe t’ju dëshiroj secilit prosperitet, shëndet e lumturi dhe gjithashtu ajër të pastër”.

Subscribe në YouTube: GAZETA INFOKUSI
GP Aviation dhe PrishtinaTicket me fluturime direkte dy herë në javë drejt Parisit!
-Advertisement-

Të tjera

Fokusi

lajme