Lajme

Rinia Demokratike ironizon me situatën brenda Vetëvendosjes “shpall konkurs për diller droge”

Autori: Gazeta inFokus 13:33 | 24 August 2023

Rinia Demokratike e Kosovës e ka mbajtur sot një aksion para Qeverisë së Kosovës, ku në emër të Lëvizjes Vetëvendosje, ka ironizuar me një konkurs për diller droge.

Anëtari i Rinisë Demokratike, Trim Syla, tha se pas kapjes së asamblistit të kësaj partie, Besnik Mujeci, me mbi 11 mijë e 300 droga ekstazi, VVja ka mbetur keq për diller droge brenda e jashtë vendit.

“Andaj, pa humbur kohë dua të lexoj konkursin dhe kriteret: Përvojë pune në shitje, të jetë komunikativ, të ketë vetë-iniciativë, të moralizojë në rrjete sociale, të besojë verbërisht në VV, të flasë për bashkimin kombëtar”, tha Syla.

-Advertisement-

Përveç kritereve, Rinia Demokratike tregoi edhe “detyrat dhe përgjegjësitë”, ku ndër të tjera thuhej që duhet të bëjnë shpërndarjen e drogës në Prishtinë, Tiranë, Durrës, Vlorë e Sarandë.

“Ndërsa çfarë ofrojnë është amnisti për territorin e Kosovës por nuk garantojnë për territorin e Shqipërisë. Kjo qeveri, ndoshta libra e bukë nuk ka por drogë ka sa të duash”, tha ai.