Sport

Reali e sheh Neymarin si pasardhës të Ronaldos

Autori: Gazeta inFokus 09:17 | 08 November 2017

Kalimi i Neymarit te PSG-ja mund të jetë një pjesë e marrëveshjes së mëparshme që sulmuesi brazilian të mbyllë karrierën në “Santiago Bernabeu” te skuadra e Real Madridit. Zyrtarët madrilenë e shohin Neymarin si pasardhës të denjë për portugezin Cristiano Ronaldo.

Bota e futbollit mbeti e shtangur kur PSG-ja para fillimit të këtij edicioni pagoi klauzolën e lirimit të Neymarit te Barcelona në vlerë 222 milionë eurosh për të siguruar shërbimet e tij. Por, Neymar përfundimisht nuk do ta përfundojë karrierën në Ligue 1 të Francës.

Mediumet spanjolle kanë raportuar se tashmë kanë nisur lëvizjet e para për një rikthim të Neymarit në Spanjë, por te Real Madridi, rivali i përbetuar i Barcelonës.

-Advertisement-

Babai i lojtarit, që njëherësh luan edhe rolin e agjentit dhe është fans i madh i Real Madridit me çdo kusht ka dashur që Neymar në verë t’i bashkohej klubit mbretëror. Por, duke parë një lëvizje të tillë si të pamundur, ai ka rregulluar punën me PSG-në që ka raporte të mira me Real Madridin.

Subscribe në YouTube: GAZETA INFOKUSI