Lajme

Reagon Haradinaj: Protezat e invalidëve janë domosdoshmëri, jo luks

Autori: Gazeta inFokus 13:24 | 21 Tetor 2026

Ish-kryetari i Aleancës, Ramush Haradinaj ka reaguar pasi që Komisioni për Buxhet dhe Financa nuk e ka miratuar amendamentin për ndarjen e 1 milion eurove shtesë për pajisje, proteza dhe mjete të tjera mjekësore për invalidët e luftës.

Deputeti Haradinaj e ka cilësuar si të papranueshme një vendim të tillë.

“Është e papranueshme që ata që dhanë gjymtyrët dhe shëndetin për lirinë e Kosovës, sot të lihen në harresë nga kjo qeveri. Mosmbështetja e amendamentit për ndarjen e një milion eurove shtesë për proteza dhe pajisje mjekësore për invalidët e luftës është e dhimbshme dhe dëshmi e mungesës së kujdesit nga ana e pushtetit ndaj kësaj kategorie të shenjtë.”, ka thënë Haradinaj.

-Advertisement-

Ai ka thënë se proteza për një invalid të luftës nuk është luks, por domosdoshmëri.

“Këto pajisje duhet të ndërrohen periodikisht, ndërsa kostoja e tyre është e papërballueshme për shumë prej tyre. Është detyrim i shtetit që t’ua sigurojë, e jo t’i lërë të kërkojnë ndihmë te miqtë dhe bashkatdhetarët në diasporë.”, ka shkruar ai.