Armend Thaqi e ka fituar çmimin sportisti më i mirë i vitit 2020 në Komunën e Prishtinës, shkruan Gazeta inFokus.

Kuvendi Komunal, përkatësisht Drejtoria e Sportit e ka shpallur Thaqin si më të dalluarin për vitin që lamë pas.

Pasi e mori çmimin futbollisti i Ballkanit ka reaguar në llogarinë e tij zyrtare në facebook.

Thaqi ka falënderuar departamentin e sportit për këtë çmim.

“Faleminderit PRISHTINE. Sportisti i vitit ne komunen e Prishtines,faleminderit departamentit te sportit ne komune per ndarjen e qmimit si sportisti me i mire i vitit 2020 ne kryeqytetin tone Prishtine. Ky qmim eshte merite e te gjithe grupit qe ishim bashke dhe arritem suksese se bashku.👏👏”, ka shkruar Thaqi në facebook.

Armend Thaqi në vitin 2020 e ka fituar Kupën e Kosovës në futboll me skuadrën e Prishtinës, kurse aktualisht është pjesë e Ballkanit.

Më poshtë keni postimin e plotë të ish-lojtarit të Prishtinës./Gazeta inFokus/