Lajme

Rasti ‘Subvencioni 2021′-Policia aksion në tetë komuna të Kosovës, arreston 31 persona

Autori: Gazeta inFokus 15:06 | 03 December 2021

Policia e Kosovës ka zhvilluar një aksion në tetë komuna të Kosovë, ku ka arritur të arrestojë 31 persona, shkruan Gazeta Infokus.

Sipas policisë aksioni është zhvilluar në Pejë, Istog, Ferizaj, Lipjan, Prishtinë, Kllokot, Vushtrri, Podujevë.

Personat e ndaluar dyshohet se kanë kryer veprat penale “Marrja e ryshfetit”, “Keqpërdorimi i pozitës apo autoritetit zyrtar”, “Dhënie e ryshfetit”, “Mashtrim me
Subvencione’’, si dhe “Falsifikim i dokumenteve”.

-Advertisement-

LEXO EDHE: U inaugurua pa u bërë pranimi teknik, spitali “Sheikha Fatima” rri i mbyllur tash e gati tre muaj

Gjithashtu, gjatë afateve kohore ligjore Prokuroria Speciale do të bëjë kërkesë për caktim e masës së paraburgimit të personave të cilët janë ndaluar nga aksioni i sotshëm. /Gazeta Infokus/
Njoftimi i plotë:

Arrestohen 31 persona për rastin e Subvencioni 2021

Prishtinë, 3 dhjetor 2021 – Me urdhër të Prokurorisë Speciale të Republikës së Kosovës (PSRK), Policia e Kosovës, përkatësisht Hetuesit policorë të Drejtorisë për Hetimin e Krimeve Ekonomike, kanë realizuar një aksion i cili është vazhdim i aksioneve të mëhershme për rastin Subvencioni 2021, në disa lokacione të ndryshme të Kosovës.

Prokuroria Speciale njofton se nga ky aksion janë ndaluar dhe intervistuar gjithsejtë tridhjetenjë (31) persona, prej tyre dymbëdhjetë (12) zyrtarë me pozita të ndryshme nga komunat dhe zyrat rajonale të Agjencionit Zhvillimor të Bujqësisë dhe zyrës rajonale të APK. Ndërkaq, aksioni është zhvilluar në komunat:
• Pejë
• Istog
• Ferizaj
• Lipjan
• Prishtinë
• Kllokot
• Vushtrri
• Podujevë.

Përderisa, nëntëmbëdhjetë (19) persona janë intervistuar në cilësinë e përfituesve të subvencioneve.
Përfituesit e subvencioneve janë nga komuna të ndryshme të Kosovës, të cilët dyshohet se kanë mashtruar me subvencione.

Personat e ndaluar dyshohet se kanë kryer veprat penale “Marrja e ryshfetit”, “Keqpërdorimi i pozitës apo autoritetit zyrtar”, “Dhënie e ryshfetit”, “Mashtrim me Subvencione’’, si dhe “Falsifikim i dokumenteve”.

Gjithashtu, gjatë afateve kohore ligjore Prokuroria Speciale do të bëjë kërkesë për caktim e masës së paraburgimit të personave të cilët janë ndaluar nga aksioni i sotshëm.

Subscribe në YouTube: GAZETA INFOKUSI