Lajme

Rasti i logopedit nga Gjilani, kapen mes vete Oda e Mjekëve dhe SHSKUK-ja

Autori: Gazeta inFokus 15:22 | 28 November 2022

Oda e Mjekëve të Kosovës i ka reaguar SHSKUK-së për logopedin Iljasa Fazliu, i dyshuar për keqtrajtimin e një fëmije me autizëm.

Sipas OMK-së, komunikata e SHSKUK-së është “tentim që në mënyrë për ta mbuluar paaftësinë e menaxhimit, ta hedh fajin në organizata profesionale të cilat kanë përgjegjësi dhe komptetencë vetëm për procedurat shqyrtuese të shkeljeve të mundshme të Kodit të Etikës dhe Deotologjisë Mjekësore dhe jo të menaxhojë dosjet e personelit të SHSKUK-së dhe për emërimet e menaxherëve”.
Sipas OMK-së, ky nuk është rasti i parë kur profesionistët shëndetësorë punësohen pa anëtarësim në Odat e Profesionistëve Shëndetësorë apo pa licenca valide.

Reagimi i plotë i tyre:

-Advertisement-

Ndërkohë, SHSKUK-ja mbrëmë tha se “sa i përket mungesës së licencës së punës, lëshimi i tyre është në kompetencë të Odave përkatëse, Odës së Mjekëve për mjekë dhe Odës së Infermierëve për profilet tjera, për çka të njejtit duhet të lajmërojnë institucionet”.

Njoftimi i plotë i tyre, KËTU.

Gjykata Themelore në Gjilan ia ka caktuar një muaj paraburgim Iljasa Fazliut.

Sipas komunikatës së Gjyaktës, Fazliu më 26 nëntor gjatë periudhës kohore “nga ora 10:00 deri në orën 11:00 ka përdorur metodë të papërshtatshme për trajtim dhe nuk ka zbatuar rregullat e profesionit të logopedit”.