Lideri i AAK-së Ramush Haradinaj, me anë të një video-adresimi në Facebook, ka ftuar Vjosa Osmanin në debat që të tregoj për atë se si ajo do ta ruaj Kosovën të paprekshme, angazhojë Kosovën në NATO, BE, OKB dhe se si do të ndihmojë ajo që Kosova të fuqizohet në planin e brendshëm dhe të jashtëm, shkruan Gazeta inFokus.

Fjala e plotë e Ramush Haradinajt:

“Të dashur qytetarë, me 14 shkurt, ju do të vendosni kush do të udhëheqë me Kosovën. Jo vetëm me parlamentin, qeverinë dhe kryeministrin, por edhe presidentin e vendit.

Tani pos kandidaturës sime të shpallur kohë më përpara, kemi edhe kandidaturën e zonjës Vjosa Osmani, që kur t’ju tregojë ju se si do ta ruajmë Kosovën tonë, të paprekshme, që do ta angazhojmë Kosovën tonë në NATO, BE, OKB dhe si do të ndihmojmë që Kosova të fuqizohet në planin e brendshëm dhe të jashtëm, e ftoj kandidaten, pra kandidaten e re për presidente zonja Vjosa Osmanin në një debat televiziv dhe e mirëpres këtë mundësi që të debatojmë së bashku për ju”, ka thënë Haradinaj në adresimin e tij./Gazeta inFokus/