Sport

Ramadani tregon nëse Feronikeli do të mund të rikthehet sërish në pozitën e parë!

Autori: Gazeta inFokus 16:35 | 07 November 2018

Zekirija Ramadani është ndarë i kënaqur me angazhimin e futbollistëve të tij pavarësisht disfatës ndaj Prishtinës (0-1), e cila praktikisht edhe e zbriti nga froni i tabelës.

Tekniku shkupjan analizoi ndeshjen me kryqytetasit, ndërkohë tregoi edhe gabimet që skuadra e tij kishte bërë gjatë ndeshjes.

“Ekipi që bën më pak gabime e fiton ndeshjen. Ne gabuam, derisa nuk realizuam ato mundësi që kishim dhe kundërshtari na dënoi për ta fituar ndeshjen. Megjithatë mendoj se ne sot merituam një barazim. I përgëzoj futbollsitët për maksimumin e dhënë në fushën e lojës, megjithëse sot duhej të ishim më të koncentruar”, deklaroi Ramadani për Super Sport Kosova.

-Advertisement-

Ai gjithashtu foli edhe për mundësitë që ka skuadra e tij për tu rikthyer sërish në “pole position”.

“Nga përvoja që kam edhe si futbollist po ju them që është më e lehtë të ndiqet vendi i parë kur ne në pozitën e dytë, pasi që presioni është më i vogël. Ne sot e humbëm një ndeshje të rëndësishme, por asgjë ska përfunduar, që nga nesër do fillojmë të mendojmë për ndeshjen e rradhës që na pret ndaj Ferizajt”, mbylli Ramadani.

Tani Feronikeli zbret në pozitën e dytë me 32 pikë, një më pak se Prishtina që tani është lider.

Subscribe në YouTube: GAZETA INFOKUSI
Çka po ndodh me DITËLINDJEN e Viva Fresh Store?!
-Advertisement-

Të tjera

Fokusi

sport