Lajme

Quni në Prizren: Bizneset janë zemra e zhvillimit ekonomik të Kosovës, dhe LDK-ja do të jetë gjithmonë krah i tyre

Autori: Gazeta inFokus 14:25 | 15 Janar 2025

Kandidati për deputet nga Lidhja Demokratike e Kosovës, Anton Quni i cili garon në listë me numrin 10-të, ka vizituar disa nga kompanitë më të sukseshmë në komunën e Prizrenit.

Quni këtë vizitë e bëri së bashku me kandidatët e LDK-së nga Prizreni, prej ku u premtuan bizneseve se LDK-ja do të jetë gjithmonë një krah i fortë për ata që zhvillojnë ekonominë e Kosovës.

“Bizneset janë shtyllë e fortë për zhvillimin e Kosovës dhe LDK-ja do të jetë krah i tyre. Bashkë me kandidatët tanë për deputet nga Prizreni, vizituam dy bizneset shumë të suksesshme të cilat veprojnë në qytetin tonë, por që emri dhe puna profesionale e “Temaj Qeramikë” dhe “Temaj Windoor” po shtrihet edhe jashtë Kosovës”, shkruan kandidati për deputet.

-Advertisement-

Ndërsa këto dy biznese Quni i quan shembull se në Kosovë mund të bëhet biznes dhe të kesh të ardhme të ndritur.

“Dy bizneset e ngritura me mund dhe sakrificë nga Familja Temaj, janë shembull i mirë se në Kosovë bëhet biznes, punësohen njerëz dhe shteti ynë ka të ardhme. Respekt e mirënjohje për punën e ndershme, Familja Temaj. LDK-ja do të jetë krah bizneseve për zhvillimin e Kosovës. Bëhu ndryshimi 124✌️”, përfundon Quni.

Kujtojmë se Lidhja Demokratike e Kosovës mban numrin 124 në zgjedhjet e 9 shkurtit ndërsa Anton Quni është pjesë e kësaj liste me numrin 10.

Anton Quni ka shërbyer si deputet në Kuvendin e Republikës së Kosovës për pesë mandate. Ai ka qenë pjesë e legjislaturave IV, V, VI dhe VII dhe VIII duke përfaqësuar qytetarët nga Lidhja Demokratike e Kosovës (LDK).

Gjatë këtyre mandateve, ai ka qenë anëtar i Komisionit për Çështjet e Sigurisë dhe Mbrojtjes. Përveç angazhimit të tij parlamentar, Quni ka shërbyer edhe si Ministër i Mbrojtjes nga 3 shkurti 2020 deri më 22 mars 2021./Gazeta Infokus

Etiketa:
Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy