Lajme

Rama në Forumin e Davosit: Shqipëria ende po përballet me sulm kibernetik

Autori: Gazeta inFokus 08:58 | 18 January 2023

Kryeministri i Shqipërisë, Edi Rama, ndodhet në Zvicër, ku po merr pjesë në Forumin Ekonomik të Davosit.

Gjatë fjalës së tij, Rama u shpreh se sulmi kibernetik nga Irani ishte shumë i rëndë, teksa nënvizoi se ende ka sulme kibernetike ndaj Shqipërisë.

Sipas tij, u arrit që të shmanget zhdukja e sistemeve dhe humbja e të dhënave, çka ishte deh synimi i sulmit kibernetik.

-Advertisement-

“Vitin e kaluar ne u sulmuam nga Irani, në mënyrë masive, shumë të rëndë. Sigurisht, bëmë më shumë vëmendje, në çdo hap, një hetim të tërësishëm të ndihmuar nga ekipi i Microsoft, ekipi i FBI dhe ekspertë të tjerë përpara sesa të dilnim me këtë akuzë të bazuar në fakte. Dhe jemi ende të sulmuar, praktikisht ditë pas dite”, ka thënë Rama, sipas videos së postuar nga ai në Facebook.

“Në njëfarë mënyre, bekimi i teknologjisë na bëri të shihnim edhe anën tjetër, që është mallkimi i teknologjisë. Megjithatë, edhe pse nuk kemi një siguri kibernetike të fjalës së fundit, ne arritëm që të shmangnim zhdukjen tërësore të sistemeve që kishim dhe praktikisht shmangëm humbjen e të dhënave, çka ishte edhe synimi i sulmit”, theksoi ai ndër të tjera.

Subscribe në YouTube: GAZETA INFOKUSI
Rakinica e Skenderajt bëhet me rrjet të ri elektrik
-Advertisement-

Të tjera

Fokusi

lajme