Lajme

Rama: Kurti është i fiksuar dhe maksimalist, duhet të bënte zgjidhje të tjera

Autori: Gazeta inFokus 17:25 | 10 August 2023

Kryeministri Edi Rama, në një intervistë për gazetën italiane “La Stampa” ka komentuar edhe marrdhëniet Kosovë-Serbi.

Rama deklaroi se Situata e pakicës serbe në veri mund të kthehet në një Donbass i vogël, duke shtuar se nëse do të ishte ai kryeministri i Kosovës do të bënte një zgjedhje krejtësisht të ndryshme dhe se mundësia e planit të paqes franko – gjerman është fantastike.

Kryeministri Rama është pyetur edhe për mos takimin e tij me Kurtin në Prishtinë, si dhe rreth asaj se Vuçiq po vazhdon flirtin me Rusinë, e Dodik kërcënon me shkëputjen e Republikës Srpska.

-Advertisement-

“Serbia duhet parë ndryshe. Ajo ka një të kaluar shumë serioze si agresore, është autore e një spastrimi etnik që duhet ta lërë pas. E ka ndërtuar politikën e saj të jashtme si një korridor pasqyrash midis Perëndimit, Rusisë dhe Kinës. Serbia duhet të marrë një vendim, por mendoj se do të zgjedhë Perëndimin, botën demokratike”, tha Rama.

Se ku po gabon Kryeministri Kurti, Rama tha se të ishte në vend të tij do të vepronte ndryshe.

“Unë e respektoj atë, por do të bëja zgjedhje krejtësisht të ndryshme. Ai është i fiksuar dhe maksimalist. Ka një mundësi fantastike, planin e paqes franko-gjerman. Marrëveshjet nuk qëndrojnë në tavolina përgjithmonë. Pastaj, historia të bën të presësh”, tha ai.

Subscribe në YouTube: GAZETA INFOKUSI