Lajme

Rama flet për herë të parë pas marrëveshjes: Pse pranuam shtyrjen e zgjedhjeve

Autori: Gazeta inFokus 19:01 | 18 May 2017

Partia Socialiste ka hapur fushatën për zgjedhjet e 25 Qershorit. Nga Tiranë janë mbledhur të gjithë simpatizantët e kësaj partie. Në fjalën e tij kryeministri Edi Rama është shprehur se: “Më 25 qershor do të fitojë Partia Socialiste, por sot ka fituar e gjithë Shqipëria, kanë fituar socialistët dhe demokratët dhe njerëzit e zakonshëm të të gjithë këtij vendi”.

Me këto fjalë Kryeministri Edi Rama e përshkroi arritjen e marrëveshjes me Lulzim Bashën për zgjedhjet parlamentare.

Pak orë pas marrëveshjes së arritur Rama foli në mitingun e hapjes së fushatës të socialistëve, i thërritur para paktit të publikuar ditën e sotme tek Piramida në Tiranë, pak metra larg çadrës së opozitës.

-Advertisement-

Kryeministri tha se më shumë sesa për çeljen e fushatës, brohoritjet duhet të jenë për realizimin e atij që e quajti objektiv strategjik: vettingun.

“Jemi mbledhur këtu këtë ditë, por besoj se më bukur sesa në vend që të çelim sot fushatën elektorale, të brohorasim për realizimin e objektivit tonë strategjik për një Shqipëri me shtet, punë dhe mirëqënie, për vettingun që do të votohet para fillimit të fushatës elektorale”, deklaroi Rama.

Marrëveshja, thotë Kryeministri, heq çdo alibi për opozitën.

“Opozita do të ketë mundësinë që të shikojë nga brenda të gjithë procesin në këto 37 ditë dhe në fund do të jetë e detyruar që të pranojë rezultatin pa “sikur”, pa “por”, pa “këtej”, pa “andej”.

Zgjedhjet nuk jane lojë e partive. Ne kemi pranuar ti shtyjmë zgjedhjet brenda Kushtetutës. Kjo për të fituar betejën me gjyqtaret dhe prokurorët e korruptuar. Ne nuk e kemi fshehur se PD e donim dhe do e donim në fushën e betejës” tha Rama.

Subscribe në YouTube: GAZETA INFOKUSI
Etiketa:
BKT Kosova synon të rrisë ndërgjegjësimin lidhur me çrregullimet e spektrit të autizmit në Ditën Botërore të Ndërgjegjësimit për Autizmin
-Advertisement-

Të tjera

Fokusi

lajme