Lajme

Qytetet europiane ‘Made in China’

Autori: Gazeta inFokus 21:45 | 27 January 2018

Kinezët nuk e kanë problem të krijojnë kopje pothuajse identike për çdo objekt që ekziston.

Por ata tashmë e kanë dëshmuar se janë mbretër të kopjeve duke ndërtuar qytete të tëra identike me disa kryeqendra europiane.

Vetëm disa orë prej Shanghait ndodhet provinca Tianducheng apo Parisi kinez.

-Advertisement-

Një qytezë që atraksion kryesor ka kullën Eiffel dhe rrugët e sheshet që i ngjajnë bulevardeve parisiene. Ndërtimi i këtij qyteti ka filluar në vitin 2007 dhe megjithëse ka kapacitet për 10 mijë banorë aty jetojnë rreth 2.000 persona të cilët kryesisht janë punëtorë që punojnë në ndërtimin e tij.

Si duket edhe ky qytet do ti shtohet numrit të “qyteteve fantazme” në të cilat nuk jeton askush. Do të pyesni pse ndërtohen atëherë?! Sepse promovojnë rritjen e GDP’së  (Prodhimi I Brendshem Bruto) që është njëri prej prioriteteve të Qeverisë Kineze. Më shumë se nga kushdo Tianducheng përdoret nga të rinjtë e sapomartuar të cilët shfrytëzojnë pamjet e bukura për t’i bërë fotografitë e martesës.

Parisi është vetëm njëri prej qyteteve në zinxhirin e qyteteve të kopjuara.

Vetëm një orë larg tij ndodhet Londra kineze. Qyteti është emëruar Thames Town sipas lumit Temza cili ndodhet në Londër. Arkitektura është e ngjashme me arkitekturën klasike britanike: rrugë me kalldrëm, terasa viktoriane dhe shitore të vogla. Qyteza është 4 kilometra larg qytetit universitar Songjiang dhe ndërtimi i saj është planifikuar për strehimin e stafit të universiteteve që ndodhen aty. Ndërtimi i qytetit ka përfunduar në vitin 2006 duke zënë një hapësirë prej një kilometër katror dhe kushtoi mbi 600 milion Euro.

Kosto edhe më të lartë ka pasur edhe ndërtimi i replikës së qytezës austriake Hallstatt  që ka përfunduar në vitin 2012. Në ceremoninë e hapjes ka marrë pjesë edhe kryetari i Hallstattit të vërtetë Alexander Scheutz. Ai ka thënë se ndërtimin e kopjes e sheh si nxitëse për rritjen e turizmit në qytezën origjinale e cila është e mbrojtur nga UNESCO dhe ka rreth 80.000 vizitorë në vit

 

Subscribe në YouTube: GAZETA INFOKUSI
Etiketa:
Marsi sjell Magji në ETC
-Advertisement-

Të tjera

Fokusi

lajme