Ditë më parë u bë publike se ish-kryeministri i Kosovës, Isa Mustafa ishte sëmurë nga gripi sezonal, grip më të cilin u ballafaquan një pjesë e madhe e qytetarëve të Kosovës ose rreth 14000 qytetarë sipas Instituti Kombëtar i Shëndetësisë Publike. Por Mustafa për dallim nga qytetarët e thjeshtë te vendit nuk vendosi të marrë trajtimin në Qendrën Klinike Universitare të Kosovës, ai zgjodhi një spital privat.

Padyshim që Mustafa kërkonte komoditet dhe privatësi, këtë të fundit as aty nuk e gjeti pas spitali jepte vazhdimisht informacione të paautorizuara rreth diagnozës duke e shfrytëzuar këtë si mundësi të mirë të marketingut media, shkruan Infokusi.com

Por Mustafa nuk është politikani i vetëm që zgjodhi të kurohet në spital privat para atij shtetëror, njësoj kishte vepruar edhe njerëz të tjerë të politikes në Kosovë.

Mjekësisë shtetërore të cilën e udhëhoqi për 3 vite gjatë periudhës 2007-2010 nuk i “besoj” as Bujar Bukoshi.  Ish-kryeministri i Kosovës dhe ish-ministri i Shëndetësisë, Bujar Bukoshi gjatë kohës kur po trajtohej në Kosovë zgjodhi spitalin privat.

Trajtimi në spitale private është i kushtueshëm por për politikanët kosovarë kjo është brenga më e vogël më të cilën përballen. Mundësi këtë që nuk e gëzojnë pjesa më e madhe e pacientëve në Kosovë.

Portali “Infokusi.com” përmes disa shkrimeve kishte raportuar për gjendjen e mjerueshme në të cilën gjendet Qendra Klinike Universitare e Kosovës. Por hiç më mirë nuk qëndrojnë as Qendrat në qytetet tjera të Kosovës.

Pritjet me orë të tëra, pastërtia në nivelin më të ulët, mungesa e shtretërve e barnave esenciale e shpesh herë edhe mungesa e mjekëve nëpër vendet e punës janë disa nga shqetësimet me të cilat përballen çdo ditë në spitalin shtetëror qytetarët e Kosovës.

Përveç trajtimit në spitale private, politikanët në Kosovë kanë përparësi edhe në vazhdimin e trajtimit jashtë vendit. Pavarësisht  numrit të madh të qytetarëve që presin me vite për trajtim jashtë vendit rastet e tyre trajtohen me pritet  .

Vetëm gjatë vitit 2017 rreth 2000 pacientë kanë kërkuar  trajtim jashtë QKUK-së, thuhet në përgjigjën e dhënë për “Infokusin” nga Ministria e Shëndetësisë.

“Gjatë vitit 2017, deri më 26 dhjetor ka pasur 1965 aplikacione për trajtim jashtë QKUK-së.”, thuhet në përgjigjën e MSH-së.

Jo të gjithë pacientët që kanë bërë kërkesë për trajtim jashtë vendin e kanë kryer atë pasi duhet të ndjekin një procedurë starndarde të trajtimit siç është përcaktuar në Udhëzimin Admnistrativ./INFOKUSI

Rëndësia e komunikimit efektiv midis Familjes dhe Kopshtit

Sponsoruar