Lajme

QKUK lë pacientët pa barna

Autori: Gazeta inFokus 11:20 | 19 March 2018

Qendra Klinike Universitare e Kosovës nuk ka barna të mjaftueshme për pacientë.

Edhe këtë të hënë pacientët dhe familjarët e tyre bëjnë me dije se kanë telashe me sigurimin e barnave esenciale.
Rrahman Rrahmani, i cili vuan nga diabeti për një javë ka shpenzuar rreth 280 euro për barna. Ky barna esenciale u detyrua të blejë edhe gjatë kësaj të hëne.

“Që nga kontrolla e parë deri te gjilpërat e barnat e tjera i kam ble vet”, tha ai për Infokusin.

-Advertisement-

Në barnatore afër QKUK-së, pacientët blejnë edhe barnat më bazike, duke filluar nga fashot, shiringat, gjilpërat e deri te barnat për sëmundje të rënda siç është kanceri.

Se barnat duhet t’i blejnë vet pacientët e thotë edhe një banorë nga Skënderaj që të shtrirë në QKUK ka djalin e tij.
“Dje mu ka bo djali operacion e mu ka dashtë me i ble krejt vet. S’di çfarë barna jon, veç gjithçka mu ka dashtë ti blej vet”.

Ai thotë se mjekët ia kanë dhënë një listë barnash për djalin para se të hynte në operacion.
Edhe një paciente tjetër e QKUK-së ka shpenzuar afërsisht 70 euro për blerjen e medikamentit të quajtur “Nimedine”, që shërben për pastrimin e gjakut për një javë.

“Që një javë jam këtu çdo ditë dhe jam detyruar ti blejë ka 6 shihe Nimedine, këto po janë goxha shtrenjtë e po bëhen gati 10 euro”, ka thënë ajo për Infokusin.

Subscribe në YouTube: GAZETA INFOKUSI
Etiketa:
Keiretsu Forum Southeast Europe dhe BKT Kosova, një bashkëpunim i guximshëm për herë të parë në llojin e tij, në…
-Advertisement-

Të tjera

Fokusi

lajme