Lajme

Qeveria kërkon shkarkimin e Bordit të KPMM-së, Kurti akuzohej më 2021 se kishte ndërhyrë për t’i zgjedhur

Autori: Gazeta inFokus 20:39 | 05 February 2023

Dyshohet se Bordi i Komisionit për Miniera dhe Minerale ka dëmtuar buxhetin e shtetit me vlerë prej nëntë milionë euro.

U zgjodhën në dhjetor të vitit 2021.

Për zgjedhjen e këtij bordi të Komisionit të Pavarur të Minierave dhe Mineraleve pati akuza të partive opozitare ndaj kryeministrit Albin Kurti për ndërhyrje.

-Advertisement-

Mirëpo rreth 1 vit më pas, është pikërisht partia në qeverisje që po kërkon shkarkimin e tyre.

Kjo pasi dyshohet se Bordi i KPMM ka dëmtuar buxhetin e shtetit në vlerë prej nëntë milionë eurosh.

E nisma e inicuar nga deputeti i Vetëvendosjes, Armend Muja, ndodhi nën arsyetimin se bordi ka bërë shkelje të ligjit.

Kjo nismë po përkrahet edhe nga deputeti nga Partia Demokratike e Kosovës, Ferat Shala.

Mirëpo shkarkimi i të gjithë anëtarëve të bordit nuk po mirëpritet nga deputetja e Lidhjes Demokratike të Kosovës, Valentina Bunjaku.

Kuvendi i Kosovës pati në rend ditë në seancën e fundit shkarkimin e këtij bordi, por për shkaqe procedurale me kërkesë të LVV u hoq kjo pikë nga rendi i ditës.

Ky rekomandim i Komisionit për Ekonomi pritet të shqyrtohet në një seancë tjetër të Kuvendit.

Subscribe në YouTube: GAZETA INFOKUSI
Shkëlqim Devolli dhe Adriatik Kelmendi e presin ambasadorin amerikan, Jeff Hovenier
-Advertisement-

Të tjera

Fokusi

lajme