Lajme

Qeveria holandeze paguan faturat e energjisë për qytetarët e varfër

Autori: Gazeta inFokus 18:47 | 12 September 2022

Qeveria holandeze do të ndajë të paktën 150 milionë euro për konsumatorët, të cilët nuk do të mund të jenë në gjendje të paguajnë faturat e rritura të energjisë, njoftoi sot transmetuesi holandez RTL, duke cituar burime qeveritare.

Qeveria do të krijojë një fond për të paguar faturat e qytetarëve që u detyruan të ndryshojnë kontrata këtë vit, duke nënshkruar një më të shtrenjtë dhe që mund të dëshmojnë se nuk janë në gjendje të paguajnë faturat.

Fondi do të financohet pjesërisht nga ofruesit e energjisë, pasi do t’i mbrojë ata nga falimentimi në rast se klientët e tyre nuk paguajnë faturat, sipas RTL.

-Advertisement-

Detajet e planit pritet të shpallen të premten. Partitë opozitare kanë kritikuar vazhdimisht kryeministrin Mark Rutte se nuk ka bërë mjaftueshëm për të mbështetur qytetarët që luftojnë për të paguar faturat e tyre të energjisë.

Javën e kaluar media holandeze raportoi se qeveria do të njoftojë se do të sigurojë rreth 16 miliardë euro në vitin 2023 në një përpjekje për të ndihmuar konsumatorët të përballen me rritjen e çmimeve të ushqimit dhe energjisë. Por Rutte nuk pranoi të hyjë në detaje rreth planit, i cili do të shpallet më 20 shtator së bashku me buxhetin e qeverisë. /abcnews.al

Subscribe në YouTube: GAZETA INFOKUSI