Lajme

Qentë endacakë ia mbysin mbi 100 pula familjes në Fushë Kosovë

Autori: Gazeta inFokus 09:26 | 06 May 2022

Qentë endacakë i kanë shkaktuar një dëm mbi 3 mijë euro Mihrije Mirenës nga fshati Nakaradë e Fushë Kosovës, pasi asaj ia hëngrën mbi 100 pula.

Mirena tha se tash qentë endacakë nuk ia lanë asnjë pulë, me të cilat është marrë tash e dy vjet.

“Qentë endacakë m’i kanë hangër 103 pula. Tash s’e kam më asnjë pulë, ndonëse i kam mbi 2 hektarë tokë e të cilat i kam mbajtur qe pothuajse dy vjet. Jam e papunë, jam marrë me këtë biznes dhe tash kam falimentuar”, është shprehur Mirena për Klankosova.tv.

-Advertisement-

Ajo tutje tha se rasti është paraqitur në Policinë e Kosovës dhe se bashkëshorti i saj ka qenë në komunën e Fushë Kosovës për të kërkuar kompensimin e dëmit.

Kujtojmë se qentë endacakë në kohët e fundit janë bërë çështje problematike në shumë qytete të Kosovës, e sidomos në kryeqytet ku shumë qytetarë janë sulmuar nga ta.

Subscribe në YouTube: GAZETA INFOKUSI
Comodita në Las Vegas Market prezanton linjat e reja të dyshekëve për tregun amerikan
-Advertisement-

Të tjera

Fokusi

lajme