Lajme

Qalaj: S’jam pishman që kam urdhëruar ndërhyrjen e FIT-it në Vetëvendosje

Autori: Gazeta inFokus 17:20 | 28 April 2022

Deputeti i PDK-së, njëherësh ish-drejtori i Policisë së Kosovës, Rashit Qalaj ka deklaruar se ai ka urdhëruar ndërhyrjen e njësisë FIT të policisë në zyrat e Lëvizjes Vetëvendosje vite më parë.

Për një gjë të tillë, Qalaj në seancën e sotme plenare tha se nuk është pishman dhe se ka vepruar ligjshëm.

“Jam shumë krenar që kam zbatuar urdhrat e ligjshëm të drejtësisë së Kosovës. Po, është e vërtetë se unë kam urdhëruar, nuk jam pishman asnjë sekondë të vetëm. Do të veproja edhe unë sot njëjtë, pa asnjë dyshim. Tjetra, jam krenar që jam edhe anëtar i PDK-së”, tha ai.

-Advertisement-

Por atij i reagoi deputeti i Vetëvendosjes, Artan Abrashi, i cili tha se Qalaj është “dëshmia për kapjen e shtetit nga PDK-ja”.

“Ai që dikur ishte drejtor i operacioneve të përgjithshme të Policisë së Kosovës, urdhërdhënësi i ndërhyrjes në një parti politike të njësisë antiterror, FIT, dy javë pas përfundimit të misionit të tij në polici përfundon në listat zgjedhore të PDK-së dhe zgjidhet deputet. Nuk na duhet asnjë raport ndërkombëtar se shteti i Kosovës është i kapur”, tha ai. /KP

Subscribe në YouTube: GAZETA INFOKUSI
Afati i fundit për regjistrime në programin MSc. Data Science & Analytics në UNI – Universum International College – Powered…

Të tjera

Fokusi

lajme