Lajme

Propozimi franko-gjerman, Spahiu: Shmanget autonomia për serbët e Kosovës dhe termi i njohjes së Kosovës nga Serbia

Autori: Gazeta inFokus 16:09 | 17 December 2022

Profesori universitar, Nexhmedin Spahiu, në një prononcim për mediumin obozitar serb “Nova” ka thënë se propozimi franko-gjerman (evropian) për normalizim të raporteve mes Kosovës dhe Serbisë, ia lehtëson kryeministrit Albin Kurti dhe presidentit Aleksandër Vuçiç nënshkrimin e marrëveshjes.

Duke u nisur nga dy problemet kyçe që aktualisht e kanë bllokuar dialogun – themelimi i Asociacionit të Komunave me Shumicë Serbe nga Kosova dhe njohja e Kosovës nga Serbia – Spahiu theksoi se propozimi franko-gjerman përpiqet që t’iu shmanget dy kushteve – një nivel më të lartë autonomie për serbët e Kosovës dhe termin e njohës së Kosovës nga Serbia.

“AKShS ofron autonomi më të madhe për serbët në Kosovë në krahasim me Planin e Ahtisaarit, i cili zbret në autonomi kulturore, arsimore dhe shëndetësore. Kjo do të ishte më shumë autonomi. Në çfarë mase do të jetë, ata duhet të bien dakord”.

-Advertisement-

“Plani franko-gjerman i shmang ato kushte për t’ia lehtësuar Albin Kurtit nënshkrimin e marrëveshjes dhe që shmang termin e njohjes së Kosovës, për t’ia lehtësuar Aleksandar Vuçiç’it”, shtoi Spahiu.

Megjithatë, ai nënvizoi se frika e kryeministrit Kurti sa i përket AKShS-së është krijimi i një “Republika Srpska” në territorin e Kosovës si në Bosnjë dhe Hercegovinë, pra duke e paraqitur atë si një levë për pamundësimin e funksionimit të shtetit.

“Meqë konsiderohet se do të jetë si Republika Srpska, e cila e bën të pamundur që BeH të udhëheqë një politikë të pavarur, kështu edhe shteti i Serbisë me ndihmën e Republikës Srpska e ka nën kontroll të gjithë vendin”.

“Mendohet se kështu do të jetë edhe me Kosovën, nëse kompetencat e atij komuniteti janë të tilla që t’i mundësojnë një gjë të tillë. Sidomos nëse kompetenca është planifikimi hapësinor ose diçka që mund të ndalojë ndërtimin e autostradës, p.sh. Prishtinë – Shkup, dhe pastaj diku në Çagllavicë të vendoset një park paqeje, siç bëri Goran Rakiç në urën e Ibrit në Mitrovicë”.

Ndryshe, për Spahiun zgjidhja optimale për arritjen e një marrëveshjeje Prishtinë-Beograd do të ishte “premtimi për njohje, në këmbim për premtimin për Asociacionin”.

Subscribe në YouTube: GAZETA INFOKUSI
Diplomon gjenerata e dytë e studentëve UNIK të UNI-të me diploma të fuqizuara nga Arizona State University
-Advertisement-

Të tjera

Fokusi

lajme