Lajme

Propaganda serbe në aksion: “Aktakuza fshehë se krimet janë etnikisht të motivuara”

Autori: Gazeta inFokus 11:11 | 03 April 2023

Avokati serb Goran Petronijeviq ka pretenduar se ankesa e tij kryesore është fakti se “aktakuza fsheh faktin se të gjitha këto vrasje dhe krime kanë qenë të motivuara etnikisht”, shkruan portali serb “Kosovoonline”.

“Ekziston një fshehje e përhershme e motiveve të atyre vrasjeve, sepse ato janë vrasje me motive etnike, me vetëm një qëllim – të frikësojnë, eliminojnë dhe dëbojnë popullatën joshqiptare nga Kosova, në radhë të parë serbët. Kjo në mënyrë të qartë mungon në aktakuza. Kështu del se të akuzuarit “kanë vrarë” rastësisht dhe se qytetarët e Kosovës po “vrisnin njëri-tjetrin”, që është një histori absolutisht e çmendur. Pjesa e aktakuzës që përmend kampet dhe ku ka informacione se aty kanë qenë njerëzit të cilët kanë qenë të detyruar të zbardhin ato ngjarje. Megjithatë, jam i sigurt se kjo nuk do të rezultojë me asnjë akuzë për trafik organesh, sepse, e theksoj sërish, mungon motivi bazë, përkatësia etnike e viktimave”, ka thënë ai, transmeton Paparaci.

Nëse do të ketë vendime për fajësinë, Petronijeviq pretendon se kjo do të sjellë “njëfarë satisfaksioni të pjesshme për viktimat dhe familjet e tyre”.

-Advertisement-

“Do të ishte e plotë sikur kualifikimi i veprës penale të krimit të luftës, vrasje dhe dëbim do të ishte i motivuar etnikisht e çka me këmbëngulje po e fshehin sepse Perëndimi është bashkëkryerës në këtë, si dhe në trafikimin e organeve. Përfshirja e tyre në këtë është shkaku kryesor i fshehjes dhe asgjësimit të provave”, ka pretenduar avokati serb.

Subscribe në YouTube: GAZETA INFOKUSI