Fokus

Prokuroria Themelore e Pejës kërkon që Akil Gjakova të dërgohet në paraburgim

Autori: Gazeta inFokus 17:12 | 17 April 2024

Prokuroria Themelore e Pejës ka kërkuar që Akil Gjakovës t’i caktohet masa e paraburgimit prej 30 ditësh.

Lajmin e ka konfirmuar për Gazetën Infokus zëdhënësi i Prokurorisë Shkodran Nikçi.

Pas shpalljes person në kërkim nga Policia e Kosovës, Gjakova u vet dorëzua tek organet e rendit.

-Advertisement-

Ai po akuzohet nga bashkëshortja e tij për dhunë në familje.

Në një përgjigje për Infokus, avokati i Gjakovës, Asdren Mekaj, ka theksuar se klienti i tij ndodhej jashtë vendit për disa kontrolle mjekësore.

“Në lidhje me pyetjet e parashtruara ju njoftoj se mbrëmë rreth orës 22:00, në pikën kufitare Morinë, pas kontrollit mjekësor jashtë shtetit, Akil Gjakova, është dorëzuar në organet komeptente, respektivisht tek policia kufitare, ashtu siç edhe kishte njoftuar se do bashkëpunojë me organet e drejtësisë. z. Gjakova edhe më tutje ruan respektin për familjen e tij dhe kërkon me mirëkuptim nga të gjithë që të kenë durim deri në fjalën e fundit të organeve të drejtësisë”, ka thënë në një përgjigje me shkrim avokati Mekaj.

Gjakovën e raportoi në Polici gruaja e tij gjatë javës së kaluar. Ajo pretendon se Gjakova ushtroi dhunë fizike ndaj saj.

Akil Gjakova lajmërohet në rrjetet sociale, pasi u shpall në kërkim nga Policia e Kosovës

Federata e Xhudos: Besojmë në pafajësinë e Akilit, ai do të dorëzohet sapo të arrijë në Kosovë

 

Subscribe në YouTube: GAZETA INFOKUSI
Etiketa:
Artmotion vjen me Super Zbritje – Mos e humb!
-Advertisement-

Të tjera

Fokusi

fokus