Lajme

Prokurori i specializuar: Hashim Thaçi erdhi disa herë fshehurazi në Hagë

Autori: Gazeta inFokus 11:22 | 03 April 2023

Prokurori i specializuar, Alex Whiting, në seancën gjyqësore që po mbahet për ish-krerët e UÇK-së, tha se ish-presidenti i Kosovës, Hashim Thaçi, ka shkuar disa herë në Hagë, sipas tyre fshehurazi, për të dhënë intervistë për ZPS-në.

Whiting tha, se Thaçi, kishte deklaruar se shtabi i përgjithshëm i UÇK-së, nuk kishte funksione deri në nëntor të vitit 1998.

Po ashtu, sipas prokurorit Thaçi e ka mohuar se ka pasur informata për ndalimin e viktimave.

-Advertisement-

“Hashim Thaçi erdhi disa herë fshehurazi në Hagë për t’u dhënë ZPS-së intervistë të videoinxhizuar. Gjatë këtyre intervistave, ai mohoi shumëçka me rolin e tij në luftë dhe rolin e UÇK-s. Ai pretendoi se shtabi i përgjithshëm s’kishte asnjë funksion deri në nëntor të vitit 1998, e edhe para kësaj date, ekzistonte vetëm në letër. Ai e mohoi se kishte dijeni për ndalimet. Provat do të tregojnë se këto pretendime janë të rreme”, ka thënë ai.

Ndryshe, të katër ish-krerët e UÇK-së, janë deklaruar të pafajshëm për të gjitha akuzat që rëndojnë mbi ta.

Subscribe në YouTube: GAZETA INFOKUSI
BKT Kosova lanson Kredinë për Ekonominë Qarkore – e para dhe e vetmja e këtij lloji në Kosovë
-Advertisement-

Të tjera

Fokusi

lajme