Lajme

Prizren: Policia konfiskon 1.3 kilogram marihuanë, arreston dy persona

Autori: Gazeta inFokus 09:28 | 06 October 2022

Policia në Prizren ka arrestuar dy persona të cilët njëri ishte duke shitur, ndërsa tjetri duke blerë substanca narkotike të llojit marihuanë.

Në raportin 24 orësh bëhet e ditur se gjatë bastisjes në shtëpinë e njërit nga të dyshuarit, policia ka sekuestruarr 1.36 kilogram substancë narkotike e llojit marihuanë, një peshore, dy telefona dhe 262 euro.

Me vendim të prokurorit njëri prej të dyshuarve është dërguar në mbajtje kurse tjetri është liruar në procedurë të rregullt.

-Advertisement-

“Janë arrestuar dy të dyshuar meshkuj kosovarë, të cilët njësiti përkatës për hetimin dhe trafikimin e narkotikëve i ka zënë në flagrancë njërin shitës dhe tjetrin blerës duke shkëmbyer substanca narkotike të llojit marihuanë. Gjatë bastisjes në shtëpinë e njërit prej të dyshuarve njësitë policore kanë gjete dhe sekuestruar si dëshmi materiale: 1.368.81 (një kilogram e treqind e gjashtëdhjetë e tetë pikë 81 gram) substanca të dyshuara narkotike të llojit marihuanë të cilat kanë qenë në paketime të ndryshme, një peshore digjitale, dy telefona celularë dhe 262 euro para të gatshme. Me vendim të prokurorit njëri prej të dyshuarve është dërguar në mbajtje kurse tjetri është liruar në procedurë të rregullt”, thuhet në njoftim.

Rasti vazhdon të hetohet.

Subscribe në YouTube: GAZETA INFOKUSI