Fokus

Prishtina mbetet pa ngrohje, qytetarët tregojnë si po ia dalin

Autori: Gazeta inFokus 16:35 | 15 December 2021

Nga mëngjesi i së mërkurës, banorët e Prishtinës kanë mbetur pa ngrohje qendrore, sepse ka rënë blloku B1 dhe B2 në Temocentralin “Kosova B”, e cila mundëson ngrohjen përmes kogjenerimit, shkruan Gazeta Infokus.

Hasime Dreshaj, shprehet e shqetësuar për këtë gjendje në kryeqytet, duke thënë se nuk kanë zgjidhje tjetër për ngrohje.

“Ne s’kemi asnjë zgjidhje ktu, se shporetë me dru s’kemi, veç me nejt nën qebe”, tha ajo.

-Advertisement-

Ndërkaq, edhe për Nafije Ajdinin, ky problem është mjaft shqetësues, e cila tregon se gjatë ditës së sotme nuk janë ngrohur fare.

“Rryma shtrejt, se qysh nxehemi nuk e di”, u shpreh Ajdini.

Lidhur me këtë çështje kanë reaguar edhe nga Korporata Energjetike e Kosovës.

Ata kanë treguar se po punohet në sanimin e telasheve dhe se deri të enjten në mëngjes pritet te funksionalizohet blloku B1, e që do të mundësonte edhe funksionalizimin e ngrohjes nga Termokos.

“Në këtë drejtim ju bëjmë me dije se për shkak te një rrjedhje ne kaldajën e njësisë B1, ishim të detyruar të ndalim edhe këtë në mesnate. Ekipet e specializuara kanë filluar menjëherë përgatitjet për intervenim në sanimin e gjendjes. Sipas planeve njësia B1 pritet të kthehet në prodhim nesër në mëngjes, me 16.12.2021 , kur edhe do të krijohen kushtet për furnizimin e Termokosit me avull për ngrohje qendrore”, thuhet në njoftimin e KEK-ut.

Për më shumë detaje ndiqni storien e realizuar nga Gazeta Infokus.

Subscribe në YouTube: GAZETA INFOKUSI
Etiketa:
Edicioni i 6-të i Garage Sale sjell zbritje të madhe në Comodita Home!
-Advertisement-

Të tjera

Fokusi

fokus