Pranimi i planit franko-gjerman nga Kurti: Si e komentojnë analistët politik!
Autori: Gazeta inFokus 23:38 | 06 February 2023
Kryeministri i Kosovës, Albin Kurti, pas takimit me emisarin Miroslav Lajçak, tha se Kosova e pranon propozimin e Bashkimit Evropian për normalizimin e marrëdhënieve ndërmjet Kosovës dhe Serbisë dhe e konsideron atë një bazë të mirë për diskutime të mëtejshme dhe një platformë solide për të ecur përpara.
Nga ana tjetër, Lajçak tha pas takimit me Kurtin se kanë diskutuar “gjithçka” që lidhet me dialogun, por se diskutimi ka qenë i përqendruar te propozimi evropian.
Ai përsëriti qëndrimin se të gjitha marrëveshjet e nënshkruara mes Kosovës dhe Serbisë duhet të zbatohen.
Analistët në RTV Dukagjini kanë mendime të ndryshme mbi këto qëndrime të kryeministrit Kurti.
Ylli Hoxha thotë se asgjë e re nuk është në deklaratën e së hënës së Kurtit.
“Deklarata është mjaft e vjetër: “pranojmë propozimin e Bashkimit Evropian dhe e konsiderojmë bazë të mirë për të ecur më tutje”. Zhvillim i ri janë kushtet e Kurtit për Asociacionin dhe pranimi i tij nga ana e kryeministrit. Kurti dhe Vuçiqi kanë hyrë në një garë ku po shpresojnë që me “po”-të e tyre të nxjerrin “jo”-në e kundërshtarit”, deklaroi Hoxha.
Astrit Gashi thotë se ka dyshime që kryeministri Albin Kurti e ka pranuar Asociacionin e komunave me shumicë serbe, mirëpo janë disa pika problematike edhe në planin franko-gjerman.
“Kompromisi i parë që e bënë Kurti është pranimi i një plani që nuk e ka njohjen e përfshirë. Albini po tendon që në këtë Asociacion të fusë edhe Mamushën që më pas të thotë se ky Asociacion nuk është vetëm i komunave serbe.
Pjesëtari i shoqërisë civile Dibran Gashi thotë se Kosova ka treguar pamundësinë e saj për të ushtruara sovranitet në veri në momentin kur nuk ka mundur të largojë barrikadat nga veriu i saj.
Hoxha thotë se Kurti është tërhequr nga disa qëndrime të forta që ka pasur në të kaluarën.
“Kur i jepet drita e gjelbër planit franko-gjerman, njëherit po konsiderohet se kjo është platformë e mirë për të shkuar përpara. Kjo i bie që marrëveshja finale do të arrihet më vonë dhe tash vetëm jemi në fillesa. Pra ne po e bëjmë Asociacionin dhe plani franko-gjerman nuk po na jep asgjë pos që po e ruajmë status-quon”.
Ish-deputeti Visar Ymeri thotë se Kurti me pranimin e planit franko-gjerman, ka pranuar edhe Asociacionin si një prej pikave të tij.
“Plani franko-gjerman mbulon të gjitha çështjet, sidomos marrëveshjet e nënshkruara deri tani. Kurti edhe mund ta braktisë në fund Asociacioni, por me deklaratat e deritanishme me logjikën e procesit ai ka pranuar Asociacionin. Problemi është se Kurti nuk po tregon pse dështoi në arritjen e qëllimeve të tij pasi plani franko-gjerman nuk parasheh njohjen”.
Ish-ministri Dardan Gashi thotë se plani franko-gjerman avancon pozitën e Kosovës.
“Njohje siç është kërkuar nuk është por të gjitha elementet e njohjes së shtetësisë i ka. Realiteti është i tillë. Njohja e kufijve është brenda. Njohja e sovrantetit është. Njohja e integritetit territorial është brenda”, deklaroi Dardan Gashi.
Të tjera
-
Ngjarjet e datës 27 prill
Organizuar nga Zyra e Kryeministrit të Kosovës, Komisioni Qeveritar për Perso...
-
Ministria e Jashtme gjermane tregon për takimin me Kurtin
Zyra gjermane për Punët e Jashtme ka komentuar takimin që ka pasur ministrja ...
-
Osmani nesër me nderime te Memoriali për të Pagjeturit dhe për homazhe në Mejë
Presidentja e vendit, Vjosa Osmani, nesër do të bëjë nderime te Memoriali për...
-
Gjiganti zviceran “Lika Group” synon ta zbukurojë Prishtinën
Klanin mund ta kenë inspirim, që në Kosovë të fillojnë një ndërtim. Kompan...
-
Tërmeti me magnitudë 5.8 ballë godet Tajvanin
Një tërmet me magnitudë 5.8 ballë ka goditur Tajvanin. Tërmeti u regjistrua m...
-
Blinken: Kemi parë prova të përpjekjes së Kinës për të ndikuar në zgjedhjet e SHBA
Sekretari amerikan i Shtetit Antony Blinken tha se SHBA ka parë prova të përp...
-
Kurti: Kur vendet autoritare po kërcënojnë me largim, Kosova me meritë kërkon anëtarësimin në KiE
Kryeministri i Kosovës, Albin Kurti nëpërmjet rrjetit social Facebook, ka fol...
-
Ndërron jetë Bojan Tonçiq, gazetari serb që kundërshtoi Millosheviqin për luftën e Kosovës
Në moshën 57 vjeçare ka ndërruar jetë gazetari serb Bojan Tonçiq. Tonçiq d...
-
Abdixhiku në Hamburg këtë fundjavë, paralajmëron dy tubime
Kryetari I LDK-së, Lumir Abdixiku ka njoftuar për agjendën që do ta ketë gjat...
-
Sandulloviq-Hillit: “Duhet t’ju vijë turp nga vetja”
Politikani serb, Nikolla Sandulloviq, e ka postuar një fotografi në platformë...
-
Mbahet ceremonia e lidhjes me internet të shkollës së 100-të në Republikën e Kosovës
Ministria e Ekonomisë, përmes Projektit të Kosovës për Ekonomi Digjitale (KOD...
-
Departamenti amerikan i Shtetit demanton dyshimet e ngritura ndaj Escobarit
Pretendimi i ngritur nga Vudi [Vedat] Xhymshiti se Zëvendës Ndihmës Sekretari...