Lajme

Policia në aksion për maskë e distancë, dënime 200 deri 500 euro

Autori: Gazeta inFokus 14:14 | 21 October 2020

Inspektorët e Komunës së Prishtinës së bashku me Policinë e Kosovës të mërkurën kanë realizuar një aksion në këtë qytet në transportin publik, dhe në taksi.

Dënimet për mosrespektimin e masave anticovid, distancën dhe mbajtjen e maskës janë nga 200 euro për përgjegjësin dhe 500 euro për kompaninë, shkruan Gazeta inFokus.

Këtë e ka bërë të ditur komuna e Prishtinës me një postim në Facebook ku thuhet se zbatimi i masave që parandalojnë shpërndarjen e virusit është obligim i të gjithëve – në këtë rast i shoferëve të autobusëve/taksive, dhe i kompanive.

-Advertisement-

“Sot, Inspektorët e Rendit Komunal bashkë me Policinë e Kosovës kanë inspektuar transportin e udhëtarëve nëpër stacionet kryesore të Kryeqytetit. Zbatimi i masave që parandalojnë shpërndarjen e virusit është obligim i të gjithëve – në këtë rast i shoferëve të autobusëve/taksive, dhe i kompanive. Gjoba për mungesë të distancës është 200 euro për përgjegjësin, 500 euro për kompaninë. Drejtoria e Inspekcionit do të jetë në koordinim të vazhdueshëm me Policinë dhe inspektoratet e nivelit qendror, ashtu që të gjithë bashkë të jemi në krye të detyrës dhe të ndikojmë në përmirësimin e shëndetit publik”, thuhet në njoftim./Gazeta inFokus/

Subscribe në YouTube: GAZETA INFOKUSI
Studio MASTER në UNI, Merr Diplomë dhe lejeqëndrim t’përhershëm në GJERMANI

Të tjera

Fokusi

lajme