Lajme

Policia largon 21 kamera të paligjshme sigurie në Shkodër, përcillnin lëvizjet e forcave të rendit

Autori: Gazeta inFokus 15:24 | 14 January 2023

Policia e Shkodrës ka çmontuar 21 kamera sigurie të cilat ishin vendosur në shtyllat elektrike.

Në njoftimin për media, Policia thotë se kamerat ishin instaluar me qëllim marrjen e informacioneve mbi lëvizjen e efektivëve.

Kamerat, thotë policia, ishin instaluar “për qëllime kriminale, si dhe për të monitoruar lëvizjet e Policisë”, ndërsa thekson se forcat e rendit kanë organizuar punën për identifikimin e personave që kishin vendosur këto kamera dhe çmontimin e tyre.

-Advertisement-

“Mbështetur nga shërbimet operacionale dhe ato të Forcës së Posaçme ‘Shqiponja’, strukturat hetimore të DVP Shkodër kanë çmontuar dhe sekuestruar 21 kamera të lidhura nëpërmjet celularit, nga të cilat 8 të instaluara në vende dhe sheshe publike, në aksin rrugor nga rrethrotullimi ‘5 Heronjtë’ deri tek rrethrrotullimi i parë i bypassit të Shkodrës, ndërsa 13 të tjera të instaluara në aksin rrugor nga rrethrrotullimi ‘5 Heronjtë’ deri te rrethrrotullimi i Dobraçit. Kamerat e sekuestruara ishin vendosur pa lejen përkatëse të organeve kompetente. Vendosja e tyre është në kundërshtim me Ligjin 9887, datë 10.03.2008 ‘Mbrojtja e të dhënave personale’ dhe përbën veprën penale ‘Ndërhyrje të padrejta në jetën private’, që parashikohet nga neni 121 i Kodit Penal”, thuhet në njoftimin e Policisë së Shtetit.

Në bashkëpunim me Prokurorinë, Policia thotë se vijon puna intensive për identifikimin e personave që kanë instaluar kamerat dhe për zbardhjen e plotë të qëllimit të vendosjes së këtyre kamerave.

Subscribe në YouTube: GAZETA INFOKUSI
E PREMTJA E BARDHË ME ZBRITJE DERI 50%
-Advertisement-

Të tjera

Fokusi

lajme