Fokus

Driton Selmanaj: Kurti po “djersitet” pas ftesës së Prokurorisë Speciale për intervistim

Autori: Gazeta inFokus 20:09 | 03 February 2025

Deputeti i Lidhjes Demokratike të Kosovës, Driton Selmanaj, ka thënë se kryeministri Kurti po “djersitet” pas ftesës që Prokuroria Speciale ia bëri për intervistim.

Selmanaj thotë se Prokuroria ka një arsye të fortë për të cilën e ftoi kryeministrin Kurti si dëshmitar.

“Unë mendoj që ky prej dëshmitarit do të kaloj në person të involvuar drejtpërdrejtë dhe do të dal i akuzuar. Unë mendoj, bindje e kam në bazë të asaj çka unë e njoh dhe di për sistemin dhe për procedurat dhe për materien. Sepse jam marrë me këto çështje, edhe për ambalazhuesit e ujit. Kësaj radhe po ftohet për një element të caktuar, mirëpo nesër do të ftohet edhe për ambalazhuesit, do të ftohet edhe për çështje të tjera, sepse ky ka informata shumë. E përfshijnë dokumentet, e ka përfshi veten ky dhe e ka problem me u largu”, ka thënë Selmanaj në emisionin “Infotalks” në Gazeta Infokus.

-Advertisement-

“Prandaj, kur të fton Prokuroria Speciale në cilësinë e dëshmitarit atëherë fillo pak mendo, djersitu pak, sepse nëse ju kish dashtë vetëm një informatë, të kish lanë dëshmitar në procedurë penale, jo me shku tek prokurori. E kish ngritë aktakuzën qysh e ka ngritë për rastin e Nagipit edhe për tjerë dhe të kish ftu në cilësinë e dëshmitarit qysh kanë ftu shumë ish-ministra, madje edhe ish-kryeministrin Hoti për rastin e Bechtel-Enkas. Dhe ky është duke u djersitë, prandaj nuk po shkon, prandaj nuk po shkon”, ka theksuar Selmanaj. /Gazeta Infokus

Subscribe në YouTube: GAZETA INFOKUSI
BKT Kosova Nënshkruan Parimet për Fuqizim të Grave (WEPs)
-Advertisement-

Të tjera