Lajme

Policia kap në flagrancë tre persona që po merrnin ryshfet nga bizneset, konfiskon mbi 11 mijë euro

Autori: Gazeta inFokus 10:14 | 20 January 2025

Krimet ekonomike dhe korrupsionit të Policisë së Kosovës kanë arrestuar tre të dyshuar pasi dyshohet se kanë pranuar ryshfet nga biznese të ndryshme.

Sipas policisë arrestimet janë bërë në komunën e Gjakovës dhe Pejës, shkruan Gazeta Infokus.

“Njësia Rajonale në Gjakovë, ka pranuar informatë se tre të dyshuar në periudha të ndryshme kohore dhe në lokacione të ndryshme në Gjakovë, kishin kërkuar dhe pranuar ryshfet nga pronarë të ndryshëm të bizneseve, ku me këto veprime dyshohet se kanë kryer veprën penale ”Marrja e Ryshfetit’’ neni 421 i KPRK-së. Policia e Kosovës në koordinim me Prokurorinë Themelore në Gjakovë, ka ndërmarr veprime hetimore, duke zbatuar edhe masat të avancuara hetimore, gjatë të cilave janë siguruar dëshmi se tre të dyshuarit meshkuj kosovarë, me qëllim të përfitimit pasuror për vete apo personin tjetër, dyshohet se kanë pranuar ryshfet në shuma të ndryshme parash në disa raste të ndara, si dhe të mira materiale të ndryshme pa pagesë nga pronaret e bizneseve të ndryshëm në komunën e Gjakovës”, thuhet në njoftim.

-Advertisement-

Po ashtu policia ka kontrolluar edhe tre objekte ku ka gjetur dhe konfiskuar

– para të gatshme 11600 Euro,

– katër (4) telefona mobil

– një ( 1 ) IPOD

– një (1) pasaportë e Republikës se Shqipërisë

– një (1) letërnjoftim i Republikës se Shqipërisë.

Të dyshuarit me vendim të prokurorit janë dërguar në mbajtje për 48 orë./Gazeta Infokus

Subscribe në YouTube: GAZETA INFOKUSI
Super Zbritje në Artmotion
-Advertisement-

Të tjera

Fokusi

lajme