Lajme

Policia jep detaje për vrasjen në Rrugën C, në Prishtinë

Autori: Elvira Haxhiu 10:22 | 15 June 2023

Një person ka mbetur i vdekur si pasojë e disa të shtënave me armë zjarri të mërkurën, në Rrugën C, në Prishtinë, shkruan Gazeta Infokus.

Sipas policisë, viktima është shtetas i Maqedonisë Veriore, ndërkaq i dyshuari ende nuk është identifikuar nga autoritetet.

Gjithashtu, raportohet se rreth një kilometër nga vendi i ngjarjes është hasur një veturë e djegur me targa të Gjermanisë, me të cilën dyshohet se të dyshuarit kanë ikur nga vendi i ngjarjes.

-Advertisement-

Ndërkaq, lidhur me rastin është konsultuar edhe prokurori, me vendim të së cilit trupi i pa jetë i viktimës është dërguar në Institutin e Mjekësisë Ligjore për obduksion.

Derisa rasti po vazhdon të hetohet.

“Raportohet se i/të dyshuar deri më tani i pa njohur kanë shtënë me armë zjarri në drejtim të viktimës mashkull shtetas i Republikës së Maqedonisë Veriore. Njësitë relevante policore kanë dalë në vendin e ngjarjes, ku kanë vërejtur se në një veturë me targa të Republikës së Maqedonisë Veriore, është një person, nga mjeku përgjegjës është konstatuar se peroni i cili ishte në veturë është pa shenja jete. Rreth një kilometër nga vendi i ngjarjes është hasur një veturë e djegur me targa të Gjermanisë, me të cilën dyshohet se të dyshuarit kanë ikur nga vendi i ngjarjes. Me urdhër të prokurorit të shtetit trupi i pa jetë i viktimës është dërguar në IML për obduksion, rasti vazhdon të hetohet”, thuhet në raportin e policisë./Gazeta Infokus/

Subscribe në YouTube: GAZETA INFOKUSI