Lajme

Policia jep detaje për aksidentin ku humbi jetën një person në Prishtinë

Autori: Gazeta inFokus 10:31 | 07 December 2022

Të martën rreth orës 20:40, ka ndodhur një aksident trafiku tek rreth rrotullimi Ura e Madhe në Prishtinë, ku si pasojë ka humbur jetën një person, shkruan Gazeta Infokus.

Në lidhje me këtë rast është arrestuar i dyshuari që ishte duke drejtuar një kombi Mercedes i cili duke mos e përshtatur shpejtësinë e lëvizjes ka goditur viktimën ku ai kishte qenë me biçikletë.

“Është arrestuar i dyshuari mashkull kosovar pasi që i njëjti deri sa ishte duke drejtuar një kombi Mercedes me targa vendore, duke mos përshtatur shpejtësinë e lëvizjes godet një biçikletë të cilën e drejtonte viktima mashkull kosovar. Si pasojë e aksidentit viktima ka ndërruar jetë në vendin e ngjarjes”, thuhet në raportin 24 orësh të Policisë së Kosovës.

-Advertisement-

Me urdhër të prokurorit trupi i pajetë është mare nga mjekësia ligjore, ndërsa i dyshuari dërgohet në mbajtje./Gazeta Infokus/