Lajme

Policia e Kosovës: Njoftimet për gjoba do të vijnë edhe me SMS

Autori: Gazeta inFokus 18:06 | 19 Tetor 2026

Policia e Kosovës ka funksionalizuar integrimin e Sistemit Informativ të Policisë së Kosovës (SIPK) me platformën shtetërore e-Kosova, duke u mundësuar qytetarëve qasje më të lehtë në informatat për gjobat dhe masat në trafik.

Sipas njoftimit të Policisë, përmes këtij shërbimi të ri, qytetarët do të njoftohen në platformën e-Kosova dhe përmes mesazheve SMS sapo gjoba të regjistrohet në sistem.

Po ashtu, përmes platformës do të mund të shihen informatat për gjobat dhe masat mbrojtëse, ndërsa pronarët e bizneseve do të kenë mundësi të qasen në raportet përkatëse për gjendjen e tyre lidhur me gjobat.

-Advertisement-

Raportet përfshijnë të dhëna për gjobat e papaguara, masat mbrojtëse ndaj personave fizikë, përfshirë konfiskimin ose anulimin e patentë-shoferit, si dhe pikët negative, sipas të dhënave të regjistruara në sistem.

Policia e Kosovës vlerëson se ky integrim do të rrisë transparencën, do të lehtësojë komunikimin me qytetarët dhe do të përmirësojë qasjen në informatat lidhur me kundërvajtjet në trafik.

Në fund, qytetarët janë ftuar ta shfrytëzojnë platformën e-Kosova për t’u informuar për gjobat dhe masat e shqiptuara në trafik.

Comodita Home rikthen “Garage Sale” për edicionin e tetë, me zbritje deri në 70%
-Advertisement-

T� tjera

Fokusi

lajme

Ky website përdor cookies. Duke vazhduar përdorimin, ju pranoni përdorimin e tyre.

Privacy policy