Lajme

Policia arreston dy të kërkuar, njërin për vjedhje e tjetrin për lëndim trupor

Autori: Gazeta inFokus 16:18 | 12 January 2023

Policia në Gjakovë ka arrestuar sot dy persona, dhe të njëjtit i ka dërguar në vuajtje të dënimit.

Një 46 vjeçar është arrestuar për veprën penale “Lëndim i rëndë trupor”, ndërsa një 37 vjeçar është dërguar vujatje të dënimit për veprën penale “Vjedhje”.

Ky është njoftimi i plotë i policisë:

-Advertisement-

Stacioni Policor në Gjakovë me datën 12.01.2023 pas mbledhjes së informatave përmes rrugëve operative dhe hetimore lidhur me vendndodhjen e personit G. Q., i lindur në vitin 1974 i kërkuar me Urdhër arrest të lëshuar nga Gjykata për veprën penale “Lëndim i rëndë trupor“, dhe personit tjetër M.K., i lindur në vitin 1986 po ashtu i kërkuar me Urdhër arrest të lëshuar nga Gjykata për veprën penale “Vjedhje“, është arritur të bëhet arrestimi i tyre dhe pas kompletimit të dokumentacionit të njëjtit janë dërguar në vuajtje të dënimit.

Drejtoria Rajonale e Policisë në Gjakovë mbetet e përkushtuar në arrestimin dhe sjelljen para organeve të drejtësisë të personave të dyshuar.

Subscribe në YouTube: GAZETA INFOKUSI