Lajme

Policët presin Kushtetuesen, kërkojnë që ligji i pagave të trajtohet me prioritet

Autori: Gazeta inFokus 14:45 | 13 December 2019

Sindikata e Policisë te premten ka mbajtur mbledhje të jashtëzakonshme.

Pas lajmërimit të së enjtes për grevë Policia e Kosovës të premten nuk ju bashkua grevës.

E në këtë takim sipas njoftimit të Policisë u vendos që të pritet vendimi i Gjykatës Kushtetuese.

-Advertisement-

Sindikata e Policisë së Kosovës kërkon nga Kushtetuesja që ta trajtojë me prioritet ligjin për pagat./Gazeta inFokus/

Ky është njoftimi i plotë i Sindikatës së Policisë:

Sot në selinë e Sindikatës së Policisë së Kosovës në Prishtinë, është mbajtur takimi i jashtëzakonshëm i Këshillit Drejtues i kësaj sindikate.

Temë e këtij takimi ishte situata e re e krijuar pas pezullimit te Ligjit te Pagave nga Gjykata Kushtetuese e Republikës se Kosovës.

Në ketë takim është diskutuar dhe është marrë parasysh situata në të cilën po kalon vendi dhe mbi bazën e kësaj, këshilli drejtues i Sindikatës të Policisë së Kosovës ka marrë vendim që të pritet gjerë ne marrjen e vendimit përfundimtar nga Gjykata Kushtetuese, bazuar në atë se Policia e Kosovës si institucion i zbatimit te ligjit, vendimet e gjykatave Kosovës nuk i interpreton apo diskuton , por që kanë kërkuar nga Gjykata Kushtetuese që çështjen e Ligjit të Pagave ta trajtojë me prioritet.

Nga institucionet e vendit është kërkuar që të gjitha të drejtat dhe obligimet që burojnë nga Ligji i Pagave të zbatohen në mënyrë retroaktive nga data e hyrjes në fuqi e këtij ligji.

Gjithashtu në këtë takim në mënyrë unanime është marrë vendim që të mbahen takimet me bartësit e institucioneve të vendit që të realizohen kërkesat e kamotshme të Sindikatës të Policisë së Kosovës e që janë sigurimi shëndetësor, sigurimi jetësor dhe aksidental, Ligji për pensionimin e pjesëtarëve të Policisë së Kosovës, pagesën e ndërrimit të natës në mënyrë të dinjiteteshme dhe pagesën e shujtës dhe të transportit për pjesëtaret e policisë se Kosovës.

Në fund këshilli drejtues i Sindikatës të Policisë së Kosovës përkrah kërkesat e ligjshme te sindikatave të Arsimit dhe të Shëndetësisë.

Subscribe në YouTube: GAZETA INFOKUSI