Sport

Pochettino në prezantimin te PSG-ja nuk dëshiron të flas për Eriksenin dhe Messin

Autori: Gazeta inFokus 23:45 | 05 January 2021

PSG ka bërë një lëvzje të madhe në bankinë duke angazhuar trajnerin e mirënjohur Maurizio Pochettino i cili nisi punë më dy janar të këtij viti.

Që në fillim të intervistës gjatë prezantimit, argjentinasi u pyet për zërat e merkatos, që flasin për një transferim të mundshëm të Lionel Messit te PSG-ja.

“Babagjyshi i vitit të ri u tregua shumë i mirë me mua dhe më solli bankinën e PSG-së, një skuadër e mbushur me shumë yje dhe futbollistë të nivelit të lartë, ndaj besoj se nuk ka më dhurata të tjera për mua”, tha Pochettino.

-Advertisement-

I pyetur për një ribashkim me fantazistin danez Eriksen dhe për zhvillime të tjera të merkatos, trajneri argjentinas delegoi gjithçka te drejtori sportiv Leonardo dhe theksoi se është i përqendruar të punojë me organikën që ka.

“Me merkaton është angazhuar Leonardo dhe jam i sigurt që do të bëjë më të mirën për klubin. Kemi një organikë shumë të pasur dhe unë momentalisht mezi pres t’i kem të gjithë në dispozicion për të punuar”, theksoi argjentinasi.

Subscribe në YouTube: GAZETA INFOKUSI