Auto&Tech

Pixelbook i ri vjen krahas Pixel 3

Autori: Gazeta inFokus 15:50 | 23 July 2018

Në muajin maj të këtij viti, është raportuar se gjiganti i kërkimit, Google, është duke përgatitur të lansojë orën e saj të parë të mençur. Ora pritet të jetë pjesë e brendit Pixel dhe do të arrijë së bashku me Pixel 3 dhe Pixel 3 XL në muajin tetor.

Sipas një postimi në Twitter të Evan Blassit, ora e mençur po ashtu do të shoqërohet nga gjenerata e dytë e Pixelbook me skajet më të vogla.

Mund të jetë shumë herët për specifikat, por Pixelbook i ri ka shumë gjasa se do të punojë me sistemin operativ Chrome, procesorin më të fundit të Intelit apo Qualcommit ARM dhe do të ofrojë mbështetje për Google Assistant, transmeton Koha.net.

-Advertisement-

Telefonat e rinj Pixel, zakonisht arrijnë në javën e parë të tetorit dhe në të njëjtën kohë pritet të lansohet edhe Pixelbook i ri. Vitin e kaluar kemi parë edhe prezantimin e Pixel Buds dhe ka shumë gjasa që të shohim versionin e ri me jetëgjatësinë e përditësuar të baterisë dhe mbështetje të përditësuar për përkthim të drejtpërdrejtë.

Subscribe në YouTube: GAZETA INFOKUSI