Lajme

“Piranjat” depërtojnë në shtëpinë e barit në Spanjë, i riu shqiptar rrëfen pagën dhe të fshehtat e “zanatit”

Autori: Gazeta inFokus 21:42 | 03 May 2022

“Piranjat” kanë startuar puntatën e dytë nën drejtimin e Floriajn Binajt dhe Arilena Arës, këtë herë me surpriza të tjera.

Agjentët e “Piranjave” kanë depërtuar brenda një “Shtëpie bari” në Barcelonë në Spanjë, aty ku është i punësuar një i ri shqiptar.

I riu ka treguar për gazetaren Erjola Nasi, se kanë qenë kushtet ekonomike ato që e kanë detyruar të emigrojë dhe të bëjë një punë të tillë për të fituar më shumë para.

-Advertisement-

Ai ka rrëfyer për gazetaren se për punën që bën brenda “Shtëpisë së barit” paguhet 2 mijë euro në muaj, por herë pas here merr edhe bonuse nga shefi, në varësi të fitimeve.

Ndërkohë që ka rrëfyer të gjithë procedurën e rritjes së bimëve të kanabisit deri tek procesi i tharjes dhe më pas shitja në treg.

Sipas tij për kultivimin e bimëve të kanabisit deri në momentin që ato dalin në treg duhen rreth 3 muaj.

Ndërsa ka theksuar se aktualisht çmimi i një kilogrami kanabis në Spanjë shitet nga 2500 deri në 2600 euro.

Në fund të intervistës për gazetaren e Piranjave, djali ju ka bërë apel të gjithë të rinjve shqiptarë, duke ju thënë që të zgjedhin punë të tjera, pasi puna në një “Shtëpi bari” bart mjaft rreziqe./Abcnews.al

Subscribe në YouTube: GAZETA INFOKUSI