Rozë

Pink dhe Justin Bieber ndihmojnë njerëzit në Teksas

Autori: Gazeta inFokus 16:21 | 04 September 2017

Pink ka dëshmuar edhe njëherë se ka një zemër të madhe.

Gjatë fundjavës, këngëtarja bëri të ditur se do të dhurojë një shumë prej 500 mijë dollarëve për Kryqin e Kuq në përpjekje për të ndihmuar njerëzit pas uraganit Harvey i cili shkatërroi Houston, bregun e Teksasit dhe zonat përreth, transmeton Klan Kosova.

Kryqi i Kuq falënderoi përmes Twitter-ut, këngëtaren, duke shkruar: “Faleminderit për donacionin prej gjysmë milion dollarë në përpjekje për të ndihmuar @RedCross #HurricanHarvey”.

-Advertisement-

Përveç saj, Justin Bieber është i famshmi i radhës që premtoi fonde për të ndihmuar njerëzit në Teksas.

Të shtunën, këngëtari kanadez postoi një video në Instagram me një mesazh për ata që u prekën nga stuhia fatale.

“Duke shikuar këto foto nga Uragani Harvey, dua të them se më vjen keq për të gjitha familjet që kanë humbur shtëpitë e tyre, dhe njerëzit që humbën jetët. Unë do të japë 25 mijë dollarë për Kryqin e Kuq”, shkroi Bieber.

Subscribe në YouTube: GAZETA INFOKUSI