Lajme

Petkoviq- ambasadores gjermane: Beogradi nuk do të heqë dorë nga Asociacioni

Autori: Gazeta inFokus 13:22 | 02 March 2023

Drejtori i zyrës për Kosovë në qeverinë e Serbisë, Petar Petkoviq, ka takuar sot ambasadoren gjermane Anke Konrad, me të cilën ka biseduar për ecurinë e dialogut ndërmjet Beogradit dhe Prishtinës dhe situatën politike dhe të sigurisë në Kosovë.

Në deklaratën e kësaj zyreje, thuhet se Petkoviq ka theksuar se Beogradi, me kufizime të qarta, mbetet sinqerisht i interesuar për arritjen e një zgjidhjeje kompromisi në dialogun ndërmjet Beogradit dhe Prishtinës, e cila do të krijonte kushtet për stabilitet të përhershëm dhe paqe në rajon.

Sipas fjalëve të tij, këtë përcaktim të Beogradit nuk e ka kuptuar as pala prishtinase, e cila sipas recetave të vjetra është munduar në çdo mënyrë të shmangë detyrimin për formimin e Asociacionit të Komunave Serbe.

-Advertisement-

“Beogradi do të këmbëngulë në përpjekjet e tij për të ofruar mekanizma solidë dhe të besueshëm për mbrojtjen e pozitës dhe të drejtave të popullit serb në Kosovë, dhe për këtë arsye nuk do të heqë dorë nga zbatimi i asaj që është rënë dakord në Marrëveshjen e Brukselit, e cila para së gjithash i referohet formimit të Asociacionit”, theksoi Petkoviq.

Subscribe në YouTube: GAZETA INFOKUSI