Sport

Perez ëndërron Dybalan dhe Donnarumman

Autori: Gazeta inFokus 15:39 | 09 October 2017

Real Madridi është duke u përgatitur për revolucionin verë 2018.

Mendohet të jenë të shumtë emrat që do të përjetojnë risi në aspektin e karrierës, duke ndryshuar ambient, për t’i bërë vend lojtarëve të rinj të gatshëm për të nisur një cikël të ri tek Madrilenët.

Siç raporton e përditshmja sportive Mundo Deportivo, presidenti i Los Blancos, Florentino Perez mësohet të jetë i gatshëm për të lënë të lirë si Gareth Bale ashtu edhe Cristiano Ronaldon, gjithnjë nëse portugezi do të këtë ende dëshirë për të luajtur në Major League Soccer në Amerikë.

-Advertisement-

Sidoqoftë për momentin, çifti i ëndrrave për sulmin e Realit në sezonin e ardhshëm, përbëhet pikërisht nga CR7 dhe Paulo Dybala.

Pak ndryshime projektohen për mesfushën, sikundër edhe për mbrojtjen, ndërkohë që për portën mendohet të realizohet një investim i madh.

Thibaut Courtois zgjedhja e parë ndërsa në listën e te preferuarve bën pjesë edhe Gianluigi Donnarumma. /SS/

Subscribe në YouTube: GAZETA INFOKUSI