Për gjashtë muaj, mbi 100 mijë euro paga për 10 deputetët serbë në Kuvendin e Kosovës
![](https://gazetainfokus.com/wp-content/uploads/2024/02/850x600_kuvendi-i-kosoves-i-zbrazet-600x3601640156820-1.jpg)
Autori: Gazeta inFokus
20:39 | 09 February 2024
Dhjetë deputetët serbë të cilët janë pjesë e Kuvendit të Kosovës nga Lista Serbe, po marrin pjesë në seanca vetëm sa për të vazhduar mandatin e tyre. Vetëm për paga, buxhetit të shtetit, këta deputetë i kushtojnë mbi 100 mijë euro për gjashtë muaj.
Janë dhjetë deputetët e komunitetit serb që mbajnë ulëse në Kuvendin e Kosovës. 9 nga ta janë deputetë të Listës Serbe ndërkaq i dhjeti është nga Iniciativa Qytetare për Liri, Drejtësi dhe Mbijetesë.
Edhe në seancën e fundit, ata shkuan në Kuvend. U nënshkruan dhe shkuan. Këtë veprim ata e bëjnë tash e sa muaj, vetëm sa për të mos humbur mandatet.
Pa punuar asnjë minutë, për gjashtë muaj, buxhetit të Republikës së Kosovës, prezenca e tyre i ka kushtuar mbi 100 mijë euro.
Paga mujore e një deputeti gjatë vitit të kaluar ishte 1722 euro.E nga janari i këtij viti me rritjen e koeficientit të pagës nga 105 në 110, një deputet merr pagë bruto 1804 euro në muaj.
Për sjelljet e deputetëve të këtij legjislativi, Kuvendi i Kosovës është duke përpiluar një Kod të Etikës.
Glauk Konjufca kryetar i Kuvendit të Kosovës tha se kjo sjellje e Listës Serbe është një papërgjegjësi të cilën ata në vazhdimësi e kanë treguar si sjellje në Kuvendin e Republikës së Kosovës.
“Ne për t’i mbajtur më shumë në përgjegjësi jemi duke e ndërtuar një kod të etikës sepse Rregullorja e Kuvendit vërtetë bazohet në Kushtetutë dhe Kushtetuta është mjaft liberale sa i përket deputetit dhe nuk mund t’ ika marrësh mandatin deputetit. Mirëpo kodi i etikës të cilin jemi duke e përpiluar sepse Kuvendi i Kosovës ka qenë njëri nga parlamentet e vetme në Evropë i cili nuk ka kod të etikës. Në kod të etikës parashihen disa masa më të ashpra sa u përket të gjithë deputetëve të cilët nuk e ushtrojnë me përgjegjësi man datin e tyre prej të zgjedhurit të popullit”, tha Konjufca, raporton RTKlive.
Nga Instituti Demokratik i Kosovës po konsiderojnë se mungesa e deputetëve serbë në seanca plenare, kuvendit i shkakton edhe një lloj humbje të legjitimitetit të duhur.
“Është shumë problematike sepse edhe në kuptimin e procesit ligjvënës mos pjesëmarrja e tyre shkakton pengesa të pa tej kalueshme. Ta zëmë projektligjet apo iniciativat legjislative që e kërkojnë edhe miratimin e shumicës nga ana e komuniteteve bëhen të pa mundura në rrethana të mos prezencës së tyre”, tha Arbër Thaçi hulumtues në KDI.
Në këtë rast Kuvendi gjendet para dy pyetjeve: Se si duhet të trajtohet mandati i deputetëve do të thotë koncepti i pjesëmarrjes së plotë që rregullorja e përshkruan, dhe a plotësohet në raste kur deputetët bojkotojnë dhe marrin pjesë në atë numrin minimal vetëm sa për të ta ruajtur mandatin.
“Ne vlerësimin tim kjo qasje nuk plotëson atë pjesëmarrjen e plotë që e kërkon rregullorja prandaj organet e kuvendit, veçanërisht ato që merren me vlerësimin e ligjshmërisë së procedurave janë përballë kësaj pyetjeje dhe përgjigjja më adekuate që do të duhej të ofronin është praktika e deputetëve të Listës Serbe nuk i plotëson kërkesat e përcaktuara edhe nga Kushtetuta edhe nga rregullorja. Prandaj kësisoj mbase në periudhat në vazhdim ne nuk do të ndeshemi në bojkotim dhe njëlloj interpretimi i tillë i rregullores dhe situatës do të nxiste pjesëmarrjen e këtyre deputetëve në të ardhmen”, tha Arbër Thaçi hulumtues në KDI.
Deputetët e komunitetit serb, gjatë vitit të kaluar janë parë vetëm dy herë në seanca plenare.
Vizitoni knanlin tonë në Youtube:
![](https://gazetainfokus.com/wp-content/uploads/2023/11/FotoLajm.jpg)
Të tjera
-
‘Eskavatori’ lë pa ujë disa fshatra në Vushtrri, dëmtuan një gyp gjatë punimeve në autostradë
Kompania e kontraktuar për shtrimin e autostradës Prishtinë-Mitrovicë për...
-
Fundjavë me fluks në Morinë, kosovarët për pushime në Shqipëri edhe në shtator
Edhe mëngjesi i kësaj të shtune ka nisur me fluks qytetarësh e mjetesh nga Ko...
-
Analistët: Veprimet e fundit të Serbisë në raport me Kosovën, përpjekje për destabilizim të Ballkanit
Veprimet e vazhdueshme të Serbisë në raport me Kosovën, sikurse edhe akti i f...
-
Djali i Adem Jasharit, Luli shtrihet në Kardiologji, Lladrovci: S’besoj që ta lë shenjë ty kjo
Kryetari i komunës së Drenasit, Ramiz Lladrovci, ka bërë të ditur se Lulzim J...
-
Vogëlushi i afrohet Kurtit për selfie, pasi e kryen ia vë gishtin në gjoks: Kryeministër ishte kënaqësi, çele Urën e Ibrit
Në ceremoninë e vendosjes së shtatores së presidentit historik, Ibrahim R...
-
Tre të vdẹkur sot në plazhet e Shqipërisë, dy prej tyre kosovarë
Rreth orës 14;50, në lagjen 13 në Durrës, 67-vjeçarja me iniciale A. Gj., ban...
-
Osmani: Strukturat ilegale në veri mbajnë peng integrimin e komunitetit serb
Presidentja e Kosovës, Vjosa Osmani ka pritur në takim të Ngarkuarën me Punë ...
-
Bulliqi i kundërpërgjigjet Hysenit të LDK-së: Je një mjeran politik
Kryetari i Komunës së Podujevës, Shpejtim Bulliqi, i është kundërpërgjigjur a...
-
Qendra për menaxhim kufitar del me njoftim pas hapjes së pikave kufitare
Qendra për menaxhim kombëtar ka njoftuar se janë hapur për qarkullim pikat ku...
-
Selmanaj i drejtohet Osmanit e Gërvallës: Ju guxuat të shanit LDK’në, por nuk guxuat të bëni zë kur Kurti ua shuajti partinë
Pas pranisë së kryeministrit Albin Kurti në inagurimin e shtatores së ish...
-
Sveçla: Serbia në panik, “shkolla ruse” për destabilizim të Kosovës e rajonit po dështon
Ministri i Punëve të Brendshme, Xhelal Sveçla, ka thënë se Serbisë është ...
-
Tahiri pas inaugurimit të shtatores së Ibrahim Rugovës: Lideri që nuk u lëkund, duke mbetur i përkushtuar ndaj një Kosove të lirë
Deputeti i AAK’së, Besnik Tahiri në rastin e ceremonisë së vendosjes së s...