Ekonomi

Pensionet do dërgohen në shtëpi, nuk ka më pritje pranë sporteleve

Autori: Gazeta inFokus 08:42 | 27 March 2020

Në kuadër të masave të marra për të ndaluar përhapjen e coronavirusit në vendin tonë qeveria ka vendosur që pensionet do u çohen pensionistëve në shtëpi, pa asnjë kosto shtesë.

Në këtë mënyrë do të shmangen radhët e gjata dhe pritjet sidomos pas reduktimit të orarit të punës deri në orën 13:00

Posta Shqiptare do të merret me kryerjen e procedurës dhe në një njoftim të gjithë pensionistët janë bërë me dije se duhet të depozitojnë numrin e telefonit, adresën e saktë dhe kartën e identitetit në kutinë postare pranë zyrës ku tërheqin pensionet.

-Advertisement-

Qeveria shqiptare për të përballuar sa më mirë këtë pandemi globale, dy ditë më parë vendosi të shpallë gjendjen e fatkeqësisë natyrore në të gjithë Shqipërinë.

Pas kësaj, Presidenti i Repiblikës, Ilir Meta, mblodhi virtualisht Këshillin e Sigurisë Kombëtare, ndërsa krahas ministrave dhe strukturave të tjera, të pranishëm në tryezën virtuale ishte kreu i qeverisë Edi Rama si dhe shefi e opozitës, Luzim Basha. Palët diskutuan mbi masat e marra në përbalimin e kësaj situatë, e cila po konsiderohet nga ekspertët si shumë e rrezikshme për shendetin e qytetarëve.