Fun & Video

Peizazhet magjepsëse të cilat duhet t’i shihni me sytë tuaj (Foto)

Autori: Gazeta inFokus 14:32 | 06 October 2017

Kur shikoni peizazhe të bukura nga vende të ndryshme të botës, është vështirë të besoni se disa nga këto peizazhe janë të vërteta.

Ndoshta kjo është dëshira kryesore se përse duam t’i vizitojmë ato vende – për t’u siguruar se vërtet janë aq të bukura si në fotografi.

Prandaj, Telegrafi ju sjellë disa nga vendet më magjepsëse në planet, dhe pasi t’i shihni këto vende, padyshim se do t’i keni në konsideratë për pushimet tuaja të ardhshme:

-Advertisement-

‘Vala’, Arizonë, SHBA

‘Vala’ është gur ranor në SHBA në kufirin e Arizonës dhe Utah-s.

Ky vend është i njohur mes turistëve dhe fotografëve për shkak të formave shumëngjyrëshe.

Parku ‘Hitachi’, Japoni

Ky park gjendet në lindje të Japonisë, dhe ka një peizazh fantastik. Parku është i njohur për mënyrën se si e ndryshon ngjyrën varësisht nga sezoni.

Pra, ngjyrat e këtij parku janë të ndryshme gjatë katër stinëve të vitit: pranverës, verës, vjeshtës e dimrit.

Plazhi i Kuq Panjin, Kinë

Plazhi afër Panjinit është i njohur në botë për ngjyrën e kuqe të pazakonshme. Nga prilli deri në maj, parku ka ngjyrë të gjelbër, por pastaj gradualisht merr ngjyrë të kuqe në muajin shtator.

Maldivet

Maldivet përmbajnë mijëra ishuj përrallorë ku mund të zhyteni në ujin e kaltër të Oqeanit Indian. Çdo ishull mund të quhet një mrekulli e vogël, dhe çdo ishull përmban freskinë dhe pastërtinë e vërtetë të natyrës!