Lajme

PDK përfundon në Prokurori

Autori: Gazeta inFokus 13:46 | 14 June 2017

Prokuroria nis hetime ndaj PDK-së sepse u ka kërkuar votuesve numra telefoni dhe siguri për votën.

Prokuroria ka nisur hetime për të parë nëse ka elemente të veprës penale në rastin e mbledhjes së nënshkrimeve nga PDK në tubimet e veta.

Ky hetim merr shkas nga një raportim i KohaVission ku tregohej se pjesëmarrësit kanë nënshkruar një listë me emër, mbiemër e numër telefoni dhe kanë dhënë siguri se “do të votojnë ‘Fillimin e Ri’ dhe PDK-në”.

-Advertisement-

Për rastin gjithashtu ankesë është dorëzuar në PZAP nga KDI.

Këtë gjë e ka konfirmuar Albert Krasniqi.

“Ne e kemi dorëzuar ankesën sepse jemi të mendimit se këto lista mund të keqpërdorën për krijim të varësisë ekonomike dhe që t’iu bëhet presion votuesve për të votuar sepse aty iu është kërkuar edhe numri i telefonit”, ka thënë Krasniqi.

PZAP ka afat 72 orë për të vendosur për këtë ankesë.

Sipas Kodit Penal të Kosovës, presioni për të votuar një parti të caktuar apo kandidat duke e keqpërdorur mundësinë e varësisë ekonomike ose profesionale, është vepër penale e dënueshme prej 1 deri në 5 vjet burgim.

Subscribe në YouTube: GAZETA INFOKUSI
Etiketa:
Super Zbritje në Artmotion
-Advertisement-

Të tjera

Fokusi

lajme